Swali 47: Ni lipi lililo bora mtu aswali Tarawiyh pamoja na imamu au nyumbani pamoja na familia kwa kuwa wanafamilia hawajui kusoma Qur-aan? Jibu: Hapana shaka kwamba kuswali nyumbani na kuswali na familia ndio bora zaidi. Inafaa vilevile akaswali na imamu kisha akarudi nyumbani kabla ya Witr kuswali na familia.…
Swali: Kuhusu swalah ya Tarawiyh ni bora kuiswali nyumbani au pamoja na mkusanyiko msikitini? Jibu: Bora ni pamoja na mkusanyiko msikitini. Tarawiyh ni alama miongoni mwa alama za Kiislamu zilizo wazi. Hivyo aswali Tarawiyh pamoja na mkusanyiko msikitini. Hata hivyo ikiwa ataiswali nyumbani pia ni sawa.
Swali: Wasichana inapofika Ramadhaan wanakusanyika katika nyumba ya mmoja wao na wanaswali swalah ya Tarawiyh mkusanyiko. Je, kitendo hichi kinafaa au ni katika Bid´ah? Sisi katika kijiji hicho hatwendi msikitini na wanamme kwa sababu ya kuchelea fitina. Jibu: Hili ni zuri na haina neno. Hapana vibaya wakiswali pamoja Tarawiyh mkusanyiko.
