Swali: Wakati mwanaume alipomweleza mke wake kuwa anataka kuongeza mke, akamuomba kujivua katika ndoa au kutalikiwa kwa kujengea hoja maneno ya Thaabit bin Qays (Radhiya Allaahu ´anhaa):
”Ee Mtume wa Allaah! Sina cha kumlaumu upande wa tabia wala dini, lakini mimi nachukia kufuru baada ya Uislamu.” Mtume wa Allaah (Swalla Allaahu ´alayhi wa sallam) akasema: ”Je, utarudishia shamba lake?” Akasema: ”Ndio.” Ndipo Mtume wa Allaah (Swalla Allaahu ´alayhi wa sallam) akasema: ”Kubali shamba na mtaliki.”[1]
Je, anayo haki ya kuomba jambo hilo?
Jibu: Yeye alikuwa akimchukia. Alikuwa anamchukia kwa sababu Thaabit bin Qays (Radhiya Allaahu ´anh) alikuwa mbaya. Hakuwa anaweza kumwangalia. Alikuwa (Radhiya Allaahu ´anh) mbaya. Akasema kuwa anachukia kukufuru baada ya Uislamu kwa sababu havutiwi naye na akachelea asimuasi na matokeo yake akaingia Motoni. Hapo ndipo Mtume (Swalla Allaahu ´alayhi wa sallam) akamwamrisha kumwacha huru.
[1] al-Bukhaariy (5273).
- Mhusika: Imaam Swaalih bin Fawzaan al-Fawzaan
- Mfasiri: Firqatunnajia.com
- Marejeo: Sharh ´Umdat-il-Fiqh (38)
- Imechapishwa: 29/06/2023
