Swali: Unasemaje juu ya ambaye anatoa zawadi ya matendo mema kukiwemo kisomo cha Qur-aan, hijjah na ´umrah kumpa mtu ambaye amekufa pasina kuswali na mara nyingi mtu huyu anakuwa mjinga na si msomi?
Jibu: Mwenye kuacha swalah hahijiwi na wala hatolewi swadaqah. Kwa sababu ni kafiri kwa mujibu wa maoni sahihi zaidi ya wanazuoni. Mtume (Swalla Allaahu ´alayhi wa sallam) amesema:
“Baina ya mtu na shirki na ukafiri ni kuacha swalah.”
Ameipokea Muslim katika “as-Swahiyh” yake.
Vilevile amesema (Swalla Allaahu ´alayhi wa sallam):
“Ahadi iliopo kati yetu sisi na wao [makafiri] ni swalah. Hivyo basi, yule mwenye kuiacha amekufuru.”
Ameipokea Imaam Ahmad na watunzi wa as-Sunan kwa cheni ya wapokezi Swahiyh.
Kusoma juu ya wengine ni kitu ambacho hakikuwekwa katika Shari´ah. Ni mamoja anasomewa ambaye yukohai au maiti. Hakuna dalili juu ya hilo. Mtume (Swalla Allaahu ´alayhi wa sallam) amesema:
“Yeyote atakayefanya kitendo kisichoafikiana na amri yetu basi atarudishiwa mwenyewe.”
Ameipokea Muslim katika “as-Swahiyh” yake. Mashaykh wawili, ambao ni al-Bukhaariy na Muslim, wamepokea kwa tamko lisemalo:
“Yeyote atakayezua katika amri yetu hii yale yasiyokuwemo atarudishiwa mwenyewe.”
Kutokana na tunavojua haikuthibiti kutoka kwa Mtume (Swalla Allaahu ´alayhi wa sallam) wala Maswahabah (Radhiya Allaahu ´anhum) kwamba walisoma Qur-aan na kumpa thawabu zake aliyehai au maiti.
- Mhusika: Imaam ´Abdul-´Aziyz bin ´Abdillaah bin Baaz
- Mfasiri: Firqatunnajia.com
- Marejeo: Majmuu´-ul-Fataawaa (10/251)
- Imechapishwa: 10/09/2021
