Swali: Bora mtu aombe du´aa anapokuwa amesjudu?
Jibu: Kama alivosema (Swalla Allaahu ´alayhi wa sallam):
“Mja anakuwa karibu zaidi na Mola wake anapokuwa amesujudu. Hivyo basi ombeni du´aa kwa wingi.”
Ameipokea Muslim katika “as-Swahiyh” yake.
Imekuja katika Hadiyth nyingine ya kwamba Mtume (Swalla Allaahu ´alayhi wa sallam) amesema:
“Ama Rukuu´ mtukuzeni Mola. Ama Sujuud jitahidini katika du´aa kuna matarajio mkubwa mkaitikiwa.”
Ameipokea Muslim pia.
Mwishoni mwa swalah pia ni mahali pa kuomba du´aa. Aidha kati ya Sujuud mbili aseme:
ربي اغفر لي، ربي اغفر لي
“Mola wangu nisamehe. Mola wangu nisamehe.”
Hapana vibaya akiambatanisha na du´aa ya kuomba msamaha.
Swali: Ni mamoja katika swalah ya faradhi au swalah inayopendeza?
Jibu: Ndio, katika swalah ya faradhi na swalah inayopendeza.
- Mhusika: Imaam ´Abdul-´Aziyz bin ´Abdillaah bin Baaz
- Mfasiri: Firqatunnajia.com
- Marejeo: https://binbaz.org.sa/fatwas/23116/ما-افضل-اوقات-الدعاء
- Imechapishwa: 04/11/2023
