144 – ´Awn bin Ibraahiym amenihadithia: Ahmad bin Abiyl-Hawaariy amenihadithia: Nimemsikia baba yangu akisema: Nimemsikia Wahiyb bin al-Ward akisema:
”Aadam ameumbwa na mkate ukaumbwa pamoja naye. Chenye kuzidi juu ya mkate ni matamanio.”
Nikamuhadithia Sulaymaan bin Abiy Sulaymaan, ambaye akasema:
”Amesema kweli. Mkate na chumvi ni matamanio.”
145 – ´Awn bin Ibraahiym amenihadithia: Ahmad bin Abiyl-Hawaariy amenihadithia, kutoka kwa Abu Sulaymaan, aliyesema:
”´Umar amesema kuhusu maneno Yake Allaah (´Azza wa Jall):
إِنَّ الَّذِينَ يَغُضُّونَ أَصْوَاتَهُمْ عِندَ رَسُولِ اللَّـهِ أُولَـٰئِكَ الَّذِينَ امْتَحَنَ اللَّـهُ قُلُوبَهُمْ لِلتَّقْوَىٰ
”… hao ndio ambao Allaah amezisafisha nyoyo zao kwa ajili ya uchaji.”[1]
”Bi maana wameondosha matamanio yao kutokana nayo.”
146 – ´Awn amenihadithia: Ahmad ametuhadithia: Abu Sulaymaan ametuhadithia: Abu ´Aliy ´Abdus-Swamad al-Aswamm ametusimulia maneno mazuri pale aliposema:
”Wafungaji siku ya Qiyaamah watawekewa meza ya chakula. Watakula kutoka hapo na huku watu wako wanafanyiwa hesabu. Waseme: ”Ee Mola! Sisi tunafanyiwa hesabu na wale kule wanakula!” Ndipo aseme: ”Pindi mlipokuwa mnakula na kunywa, wao walifunga. Pindi mlipokuwa mmelala, wao walikuwa wamesimama kufanya ´ibaadah.”
147 – al-Husayn bin Hammaad adh-Dhwabbiy ametuhadithia: Qabiyswah bin ´Uqbah ametuhadithia, kutoka kwa al-Hasan bin Swaalih, kutoka kwa ´Abdul-´Aziyz bin Rufay´, aliyesema kuhusu:
كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ
“Kuleni na kunyweni kwa furaha kwa yale mliyoyatanguliza katika siku nyingi zilopita!”[2]
”Kwa sababu ya kufunga.”
148 – Salamah bin Shabiyb amenihadithia: Sahl bin ´Aaswim ametuhadithia, kutoka kwa Silm bin Maymuun al-Khawwaasw: Nimemsikia ´Abdul-´Aziyz bin Muslim akisema: Nimemsikia Sufyaan ath-Thawriy akisema:
”Kula utakavyo na usinywe. Usipokunywa basi hutojiwa na usingizi.”
149 – ´Awn bin Ibraahiym amenihadithia: Ahmad bin Abiyl-Hawaariy amenihadithia: Nimemsikia Abu Sulaymaan akisema:
”Kutoka tumboni kwenda mpaka kwenye macho kuna mishipa miwili; tumbo linapokuwa nzito basi macho yanafungika na tumbo linapokuwa jepesi macho yanafunguka.”
150 – Muhammad bin Idriys amenihadithia: ´Amr bin Aslam ametuhadithia, kutoka kwa Silm bin Maymuun al-Khawwaasw: ´Uthmaan bin Zaa-idah amenihadithia:
”Sufyaan ath-Thawriy aliniandikia: ”Ikiwa unataka mwili wako kuwa na afya na ulale kidogo, basi kula kidogo.”
[1] 49:3
[2] 69:24
- Mhusika: Imaam Abu Bakr ´Abdullaah bin Muhammad bin Abiyd-Dunyaa
- Mfasiri: Firqatunnajia.com
- Marejeo: Kitaab-ul-Juu´, uk. 98-100
- Imechapishwa: 24/07/2023
