Salaf (Rahimahumu Allaah) wameusia kushikamana na Qur-aan na Sunnah. Abu Barzah (Radhiya Allaahu ´anh) amesema:
“Allaah amekutajirisheni – amekuhuisheni – kwa Uislamu na Muhammad (Swalla Allaahu ´alayhi wa sallam).”[1]
Abu ´Abdillaah amesema:
“Hapa imekuja kwa amekutajirisheni, lakini inatakiwa iwe amekuhuisheni.”
Abud-Dardaa´ (Radhiya Allaahu ´anh) amesema:
“Hutokosea njia muda wa kuwa unafuata mapokezi.”[2]
az-Zuhriy (Rahimahu Allaah) amesema:
“Wanazuoni wetu waliotangulia walikuwa wakisema: “Kushikamana na Sunnah ni uokozi.”[3]
Maalik (Radhiya Allaahu ´anh) amesema:
“Sunnah ni safina ya Nuuh; yule atakayeipanda basi ataokoka na yule atakayebaki nyuma basi atazama.”[4]
Shurayh na Ibn Siyriyn (Rahimahumaa Allaah) amesema:
“Hatutopotea muda wa kuwa tumeshikamana na mapokezi.”[5]
al-Awzaa´iy amesema:
“Tunazunguka na Sunnah kule inakozunguka.”[6]
´Abdullaah bin Mas´uud bin ´Utbah (Rahimahu Allaah) amesema:
“Hutokosa njia muda wa kuwa unafuata mapokezi.”[7]
´Umar bin ´Abdil-´Aziyz (Rahimahu Allaah) amesema:
“Lazimiana na Sunnah. Hakika kwa idhini ya Allaah ni kinga kwako.”[8]
[1] al-Bukhaariy.
[2] as-Sunnah, uk. 28, ya Muhammad bin Naswr.
[3]ad-Daarimiykatika ”as-Sunah”, al-Laalakaa’iyna al-Aajurriykatika ”ash-Shariy´ah”, uk. 314.
[4] al-Bayhaqiy.
[5] ar-Radd ´alaa al-Marriysiy, uk. 145, ya ad-Daarimiy.
[6] al-Laalakaa’iy (1/64).
[7]at-Twabaqaat (1/71) ya Ibn Abiy Ya´laa.
[8]Abu Daawuud (5/90), Ibn Wadhdhwaah katika ”al-Bid´a wan-Nahiy ´anhaa”, uk. 30, na Abu Nu´aym katika ”Hilyat-ul-Awliyaa’” (5/338).
- Mhusika: Shaykh ´Abdus-Salaam bin Barjas Aal ´Abdil-Kariym
- Mfasiri: Firqatunnajia.com
- Marejeo: al-Hujaj al-Qawiyyah ´alaa anna Wasaa-il-ad-Da´wah Tawqiyfiyyah, uk. 24-25
- Imechapishwa: 08/05/2023
