65 – Sulaymaan bin Harb ametuhadithia: as-Sarriy bin Yahyaa ametuhadithia: Nimemsikia al-Hasan akisema:
”Wakati kulipoteremshwa:
إِنَّ اللَّـهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا
“Hakika Allaah na Malaika Wake wanamswalia Mtume. Hivyo enyi walioamini mswalieni na mumsalimu kwa salamu.”[1]
wakasema: ”Ee Mtume wa Allaah! Tumejua namna ya kukutakia amani; unatuamuru vipi kukuswalia?” Akasema: ”Semeni: ”Ee Allaah! Weka sifa Zako na baraka Zako kwa jamaa zake Muhammad kama Ulivyoziweka kwa jamaa zake Ibraahiym. Kwani hakika Allaah amewatuma kama alivyonituma mimi.”[2]
[1] 33:56
[2] Cheni ya wapokezi ni Swahiyh lakini kuna Swahabah anayekosekana. al-Hasan huyu ni al-Hasan bin Abiyl-Hasan al-Baswriy. Ibn Abiy Shaybah ameipokea kupitia njia nyingine kutoka kwake pasi na kutaja Aayah.
- Mhusika: Imaam Ismaa´iyl bin Ishaaq al-Maalikiy
- Mfasiri: Firqatunnajia.com
- Marejeo: Fadhwl-us-Swalaah ´alaan-Nabiy, uk. 62-63
- Imechapishwa: 29/01/2024
- taaliki: Imaam Muhammad Naaswir-ud-Diyn al-Albaaniy
