Amesema (Ta´ala):
وَالنَّجْمِ إِذَا هَوَى
“Naapa kwa nyota zinapotua!”[1]
Hapo ilikuwa pale ambapo Quraysh walipoituhumu Qur-aan kuwa ni mashairi, ngano za kale na mkanganyiko wa maneno. Aidha baadhi wakasema kuwa Muhammad (Swalla Allaahu ´alayhi wa sallam) ameyazua mwenyewe na wengine wakadai kuwa kuna wanaomfunza. Ndipo Allaah akaapa kwa nyota zinapotua, bi maana Qur-aan inapoteremshwa, na akasema:
وَالنَّجْمِ إِذَا هَوَىٰ مَا ضَلَّ صَاحِبُكُمْ وَمَا غَوَىٰ
“Naapa kwa nyota zinapotua. Hakupotoka swahibu wenu na wala hakukosea.”[2]
Bi maana Muhammad (Swalla Allaahu ´alayhi wa sallam). Hakuizua Qur-aan hii kutoka kwake mwenyewe:
وَمَا يَنطِقُ عَنِ الْهَوَىٰ إِنْ هُوَ إِلَّا وَحْيٌ يُوحَىٰ
”Wala hatamki kwa matamanio yake – hayo si chochote isipokuwa ni Wahy unaofunuliwa.”[3]
Bi maana Qur-aan. Hapa akabatilisha ya kuwa Qur-aan iwe kitu kingine kisichokuwa Wahy. Kisha akasema:
عَلَّمَهُ شَدِيدُ الْقُوَى ذُو مِرَّةٍ فَاسْتَوَى وَهُوَ بِالْأُفُقِ الْأَعْلَى وَهُوَ بِالْأُفُقِ الْأَعْلَى ثُمَّ دَنَا فَتَدَلَّى فَكَانَ قَابَ قَوْسَيْنِ أَوْ أَدْنَى فَأَوْحَى إِلَى عَبْدِهِ مَا أَوْحَى
“ … Amemfunza mwenye nguvu madhubuti. Mwenye muonekano mzuri na akalingana sawasawa. Naye yuko juu kabisa katika upeo wa macho; kisha akakurubia na akashuka; kisha akawa kiasi cha umbali wa ncha mbili au karibu zaidi. Akamfunulia wahy mja Wake yale aliyomfunulia wahy.”[4]
Allaah akaiita Qur-aan kuwa ni Wahy na hakuiita kuwa ni kiumbe[5].
[1] 53:1
[2] 53:1-3
[3] 53:4
[4] 53:5-10
[5] Ibn ´Aqiyl al-Hanbaliy amesema:
”Imaam Ahmad (Rahimahu Allaah) ameandika kitabu kinachoitwa ”ar-Radd ´alaal-Jahmiyyah waz-Zanaadiqah wal-Qadariyyah.” (al-Aadaab ash-Shar´iyyah (1/274))
Ibn Taymiyyah amesema:
”Kama alivosema Imaam Ahmad katika kitabu chake ”ar-Radd ´alaaz-Zanaadiqah wal-Jahmiyyah.” (Tafsiyr Suurat-il-Ikhlaasw, uk. 239)
Ibn Kathiyr amesema:
”… na hivo ndivo alivosema Ahmad bin Hanbal katika kitabu ”ar-Radd ´alaal-Jahmiyyah” (Tafsiyr al-Qur-aan al-´Adhwiym (3/304))
Ibn Hajar al-´Asqalaaniy amesema:
”Amesema waziwazi Ahmad katika kitabu “ar-Radd ´alaal-Jahmiyyah.” (Fath-ul-Baariy (13/598))
- Mhusika: Imaam Ahmad bin Hanbal (afk. 241)
- Mfasiri: Firqatunnajia.com
- Marejeo: ar-Radd ´alaal-Jahmiyyah waz-Zanaadiqah, uk. 111-113
- Imechapishwa: 22/04/2024
