Mlango
Miongoni mwa yanayofahamisha maana ya maneno Yake Allaah (´Azza wa Jall):
بَلْ يَدَاهُ مَبْسُوطَتَانِ يُنفِقُ كَيْفَ يَشَاءُ
“Bali mikono Yake imekunjuliwa hutoa atakavyo.”[1]
45 – Muhammad bin Sa´iyd bin Ishaaq ametukhabarisha: ´Amr bin Sa´iyd al-Jammaal ametuhadithia: Ismaa´iyl bin ´Abdillaah bin Mas´uud ametuhadithia: Abul-Waliyd ametuhadithia: Shu´bah ametuhadithia, kutoka kwa ´Amr bin Murrah: Nimemsikia Abu ´Ubaydah amesimulia kutoka kwa Abu Muusa al-Ash´ariy, kutoka kwa Mtume (Swalla Allaahu ´alayhi wa sallam), ambaye amesema:
”Allaah (´Azza wa Jall) hunyoosha mkono Wake mchana ili atubie aliyekosea usiku, mpaka jua lichomoze kutoka magharibi.”[2]
46 – Muhammad bin ´Abdillaah bin Abiy Rajaa’ ametukhabarisha huko Makkah: Muusa bin Haaruun ametuhadithia: Muhammad bin as-Sabbaah ametuhadithia: ´Abdul-´Aziyz bin Abiy Haazim ametuhadithia: Baba yangu amenihadithia, kutoka kwa ´Ubaydullaah bin Muqsim, kutoka kwa ´Abdullaah bin ´Umar, ambaye ameeleza kuwa amemsikia Mtume wa Allaah (Swalla Allaahu ´alayhi wa sallam) alisema juu ya mimbari:
”al-Jabbaar atazichukua mbingu Zake na ardhi Yake kwa mkono Wake, azikamate, aukunje na kuunyosha na kusema: ”Mimi ni al-Jabbaar! Mimi ni Mfalme! Wako wapi wenye jeuri? Wako wapi wenye kufanya kiburi?”[3]
Hadiyth hii imethibiti kwa maafikiano.
47 – ´Abdur-Rahmaan bin Yahyaa bin Mandah na ´Abdullaah bin Ibraahiym al-Muqriy wametukhabarisha: Abu Mas´uud Ahmad bin al-Furaat ametuhadithia: ´Aliy bin Ishaaq ametuzindua: Ibn-ul-Mubaarak ametuhadithia: Yuunus ametuhadithia, kutoka kwa az-Zuhriy, kutoka kwa Sa´iyd bin al-Musayyab, kutoka kwa Abu Hurayrah, ambaye amesimulia kuwa Mtume (Swalla Allaahu ´alayhi wa sallam) amesema:
”Allaah ataikamata ardhi siku ya Qiyaamah, atazikunja mbingu kwa mkono Wake wa kuume na kusema: ”Mimi ni Mfalme! Wako wapi wafalme wa ardhini?”[4]
48 – ´Abdullaah bin Ibraahiym ametukhabarisha: Abu Mas´uud ar-Raaziy ametuhadithia: ´Aliy bin Ishaaq ametuhadithia, kutoka kwa Ibn-ul-Mubaarak, kutoka kwa ´Anbasah, kutoka kwa Habiyb bin Abiy ´Amrah, kutoka kwa Mujaahid, kutoka kwa Ibn ´Abbaas, kutoka kwa ´Aaishah, ambaye amesema:
”Nilimuuliza Mtume (Swalla Allaahu ´alayhi wa sallam) kuhusu maneno Yake (Jalla wa ´Azz):
وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّماوَاتُ مَطْوِيَّاتٌ بِيَمِينِهِ
”… ardhi yote itawekwa mkononi Mwake siku ya Qiyaamah na mbingu zitakunjwa mkononi Mwake wa kuume.”[5]
”Watu watakuwa wapi kipindi hicho?” Akasema: ”Juu ya Njia.”[6]
[1] 5:64
[2] Muslim (2113).
[3] Muslim (2149).
[4] al-Bukhaariy (4812).
[5] 39:67
[6] at-Tirmidhiy (3241), ambaye amesema kuwa Hadiyth ni nzuri, Swahiyh na geni. Swahiyh kwa mujibu wa al-Albaaniy katika “Swahiyh Sunan at-Tirmidhiy” (3241).
- Muhusika: Imaam Muhammad bin Ishaaq bin Mandah (afk. 395)
- Tarjama: Firqatunnajia.com
- Marejeo: ar-Radd ´alaal-Jahmiyyah, uk. 74-76
- Imechapishwa: 16/06/2026
- Taaliki: ´Allaamah ´Aliy bin Naaswir al-Faqiyhiy