396 – ´Aaswim bin Sufyaan ath-Thaqafiy amesema:
“Walitakikana washiriki katika vita vya mnyororo, lakini wakavikosa, ambapo badala yake wakaenda kulinda mipaka ya nchi. Kisha baadaye wakarejea kwa Mu´aawiyah, ambaye alikuwa ametembelewa na Abu Ayyuub na ´Uqbah bin ´Aamir. ´Aaswim akasema: “Ee Abu Ayyuub, tumekosa vita vya jumla. Tumepata khabari kuwa ambaye ataswali katika misikiti minne basi atasamehewa dhambi zake.” Akasema: “Ee mtoto wa kaka yangu kipenzi, hivi nisikujuze juu ya jambo ambalo ni jepesi zaidi kuliko hilo?” Hakika mimi nimemsikia Mtume wa Allaah (Swalla Allaahu ´alayhi wa sallam) akisema:
مَن توضّأَ كما أُمِر، وصلَّى كما أُمِر؛ غُفر له ما قَدَّم مِن عَمل
“Yule atakayetawadha na kuswali kama alivyoamrishwa, basi atasamehewa matendo yake yaliyotagulia.”[1]
Akasema: “Mambo ni hivyo kweli, ee ´Uqbah?” Akasema: “Ndio.”
Ameipokea an-Nasaa’iy, Ibn Maajah na Ibn Hibbaan katika ”as-Swahiyh” yake.
[1] Nzuri na Swahiyh.
- Muhusika: Imaam ´Abdul-´Adhwiym bin ´Abdil-Qawiy al-Mundhiriy
- Tarjama: Firqatunnajia.com
- Marejeo: Swahiyh-ut-Targhiyb wat-Tarhiyb (1/283)
- Imechapishwa: 31/01/2024
- Taaliki: Imaam Muhammad Naaswir-ud-Diyn al-Albaaniy
