Wapi anaiweka mikono mswaliji?


Swali: Tunawaona watu wengi ambao wanaiweka mikono yao chini ya kitovu chao, wengine wanaiweka juu ya kitovu chao, wengine wanaiweka juu ya kifua chao na wanawakemea vikali kweli wale wanaoiweka chini ya kitovu chao. Wako wengine wanaiweka chini ya ndevu zao na wengine wanaswali kwa kuiachia. Ni upi usawa katika hayo?

Jibu: Sunnah Swahiyh imejulisha kwamba bora kwa mswaliji pindi anapokuwa amesimama ndani ya swalah basi aweke kiganja chake cha kulia juu ya kiganja chake cha kushoto juu ya kifua. Ni mamoja kabla na baada ya Rukuu´. Hayo yamethibiti katika Hadiyth ya Waail bin Hujr na Qabiyswah bin Halab at-Twaaiy kutoka kwa baba (Radhiya Allaahu ´anhumaa). Pia kumethibiti yanayojulisha juu ya hilo kupitia kwa Sahl bin Sa´d as-Saa´idiy (Radhiya Allaahu ´anh).

Kuhusu kuiweka chini ya kitovu kumepokelewa juu yake Hadiyth dhaifu kutoka kwa ´Aliy (Radhiya Allaahu ´anh).

Kuhusu kuiachia au kuiweka chini ya ndevu ni jambo linalokwenda kinyume na Sunnah.

  • Mhusika: Imaam ´Abdul-´Aziyz bin ´Abdillaah bin Baaz
  • Mfasiri: Firqatunnajia.com
  • Marejeo: Majmuu´-ul-Fataawaa (11/98)
  • Imechapishwa: 13/10/2021