Swali: Ni vipi tutatofautisha kati ya wanazuoni wakubwa na wale wanaojifanya ni wanazuoni wanaowapotosha watu kwa fataawaa zao?
Jibu: Kwa mambo yafuatayo:
1 – Kupatiliza na kushikamana kwao na Tawhiyd.
2 – Kulingania kwao katika Qur-aan na Sunnah.
3 – Wanayafanyia kazi.
4 – Wako imara wakati wa fitina. Hawabadiliki kwa kubadilika kwa hali, wakati na zama. Utawaona wanakuwa na msimamo uleule katika masuala mbalimbali ambayo wanayapima kwa Qur-aan, Sunnah, na mfumo wa Salaf ambapo wanafikia natija kutokana na hayo.
5 – Ni wa wazi na hawafichi. Hawawakusanyi watu nyikani au maeneo yaliyojificha. Kwa sababu dini ni kitu kiko wazi, hakuna kitu chenye kujificha. ´Umar bin ´Abdil-´Aziyz amesema:
“Ukiwaona watu wanajitenga na umma wakizungumza mambo yao ya kidini, basi utambue kwamba wao wanaunda upotovu.”[1]
6 – Hawajali jambo la kuzitangaza nafsi zao:
“Anapokuwa katika kulinda basi hulinda na anapokuwa kwenye timu ya nyuma basi yuko kwenye timu ya nyuma. Akiomba ruhusa basi hapewi ruhusa na akiombea hakubaliwi uombezi wake.”
7 – Wanawapendea ndugu zao yale wanayojipendea nafsi zao wenyewe. Lengo lao ni moja; kuwaongoza viumbe katika kheri:
“Naapa kwa Allaah! Allaah kumwongoza mtu mmoja kupitia kwako ni bora kwako kuliko ngamia wekundu.”[2]
Hizi ni baadhi ya alama za wanazuoni wakubwa ambao tunatakiwa kuwaigiliza.
[1] al-Bukhaariy (2887).
[2] al-Bukhaariy (309) na Muslim (405).
- Mhusika: Shaykh Swaalih bin Sa´d as-Suhaymiy
- Mfasiri: Firqatunnajia.com
- Marejeo: https://youtu.be/53LXRTgFvxA
- Imechapishwa: 04/09/2023
