Swali: Ni ipi hukumu endapo imamu atasoma kwa mfano katika Rak´ah ya kwanza “al-Ikhlaasw” kisha katika ya pili akasoma “adh-Dhwuhaa”?
Jibu: Hakuna neno kwa imamu akisoma katika Rak´ah ya kwanza fupi kuliko ile anayosoma katika ya pili. Kutokana na ueneaji wa maneno ya Allaah (Subhaanah):
فَاقْرَءُوا مَا تَيَسَّرَ مِنْهُ
“Basi someni kile kilicho chepesi humo.”[1]
Pia kutokana na ueneaji wa maneno ya Mtume (Swalla Allaahu ´alayhi wa sallam) kumwambia yule aliyeswali kimakosa:
“Unaposimama katika swalah basi eneza wudhuu´, kisha elekea Qiblah na useme “Allaahu Akbar” na kisha usome kile kitachokuwa chepesi kwako kutoka katika Qur-aan.”
Katika tamko jingine imekuja:
“… kisha usome mama wa Qur-aan na kile unachotaka.”
Lakini kwa kufanya hivo ameacha lile ambalo ni bora zaidi. Kwa sababu Sunnah iliyothibiti kutoka kwake (Swalla Allaahu ´alayhi wa sallam) kutoka katika maneno na matendo yake inafahamisha kuwa Sunnah kwa imamu na ambaye anaswal peke yake asome katika Rak´ah ya kwanza ndefu zaidi kuliko katika Rak´ah ya pili. Hayo atayafanya katika swalah zote tano. Kuhusu maamuma ni mwenye kumfuata imamu wake.
[1] 73:20
- Mhusika: Imaam ´Abdul-´Aziyz bin ´Abdillaah bin Baaz
- Mfasiri: Firqatunnajia.com
- Marejeo: Majmuu´-ul-Fataawaa (11/82-83)
- Imechapishwa: 11/10/2021
