Imaam Ibn-ul-Qayyim (Rahimahu Allaah) amesema:
Kuhusiana na maneno Yake:
لَن تَرَانِي
“(Lan) hutoniona!” (07:143)
Inafahamisha juu ya ukanushaji wa huko mbeleni na haifahamishi juu ya ukanushaji wa milele hata kama ukanushaji utaambatanishwa na umilele. Vipi iweje pale ambapo ukanushaji haukuambatanishwa na umilele! Amesema (Ta´ala):
وَلَن يَتَمَنَّوْهُ أَبَدًا
“Na (Lan) hawatoyatamani [hayo mauti] hata siku moja.” (02:95)
Pamoja na maneno Yake (Ta´ala):
وَنَادَوْا يَا مَالِكُ لِيَقْضِ عَلَيْنَا رَبُّكَ
“Wataita: “Ee Maalik [mlinzi wa Moto]! Na atumalize [tufe] Mola wako.” (43:77)
MAELEZO
Allaah amesema juu ya mayahudi:
وَلَن يَتَمَنَّوْهُ أَبَدًا
“Na (Lan) hawatoyatamani [hayo mauti] hata siku moja.”
Hapa Allaah anakusudia duniani. Hawatotamani mauti kamwe duniani. Amesema:
وَلَن يَتَمَنَّوْهُ أَبَدًا
“Na (Lan) hawatoyatamani [hayo mauti] hata siku moja.”
Kuhusiana na Aakhirah watapokuwa Motoni watayatamani na kuyapupia. Amesema (Ta´ala):
وَنَادَوْا يَا مَالِكُ لِيَقْضِ عَلَيْنَا رَبُّكَ
“Na wataita: “Ee Maalik [Mlinzi wa Moto]! Na atumalize [tufe] Mola wako.”
Bi maana atufishe. Watatamani mauti Aakhirah. Kwengine amesema:
وَلَن يَتَمَنَّوْهُ أَبَدًا
“Na (Lan) hawatoyatamani [hayo mauti] hata siku moja.”
Sio dalili yenye kuonesha kuwa Allaah hatoonekana Aakhirah. Ambapo haonekani ni duniani. Kuhusiana na Aakhirah ataonekana.
- Mhusika: ´Allaamah Rabiy´ bin Haadiy al-Madkhaliy
- Mfasiri: Firqatunnajia.com
- Marejeo: al-Bayaan wa al-Idhwaah li ´Aqiydah Ahl-is-Sunnah wal-Jamaa´ah fiy Ru´yati Allaahi yaum al-Qiyaamah, uk. 20
- Imechapishwa: 27/08/2020
