Swali: Ni ipi hukumu ya kupamba au kutia urembo katika bisht za wanaume?
Jibu: Hatujui kwamba kuna tatizo ikiwa mapambo hayo hayajatengenezwa kwa dhahabu wala fedha. Ikiwa ni ya aina ya metali yenye rangi ya njano inayong’aa, basi hatuoni ubaya ndani yake. Ama kama itathibiti kuwa mapambo hayo ni ya dhahabu, basi hilo halijuzu. Kwa mujibu wa wataalamu wa mambo haya, kile kinachotumika katika zile nyuzi za mapambo mara nyingi si dhahabu, bali ni aina ya metali ya njano inayong’aa, ambayo hudhaniwa kuwa ni dhahabu ilihali si dhahabu. Metali hii huitwa shaba maalum na hufanana na dhahabu kwa rangi yake ya manjano na kung’aa kwake wakati mwingine, lakini si dhahabu halisi. Ama fedha, ingawa hukumu yake ni nyepesi zaidi kuliko dhahabu, bado haipendezi kuitumia katika mapambo ya bisht za wanaume ikiwa itapatikana.
- Muhusika: Imaam ´Abdul-´Aziyz bin ´Abdillaah bin Baaz
- Tarjama: Firqatunnajia.com
- Marejeo: https://binbaz.org.sa/fatwas/1529/حكم-تقصيب-بشوت-الرجال
- Imechapishwa: 26/06/2026