Swali: Je, bora kwa imamu aseme ´subirini!` au ateue mtu mwingine mahali pake?
Jibu: Bora awaambie ´bakieni mahala penu mpaka nirejee!` ikiwa mahali pake ni karibu na hawatii uzito. Vinginevyo atateua mwingine ambaye atawaswalisha.
Swali: Matukio ya Hadiyth hii ni kwamba Mtume (Swalla Allaahu ´alayhi wa sallam) alisema:
“Bakieni mahali penu!”
Imekuja katika baadhi ya matamshi:
“… baada ya kuleta Takbiyr.”
Kisha akarudi na kujiunga na swalah na wala hakurudia tena Takbiyrat-ul-Ihraam?
Jibu: Haya ni matukio mengine. Arudi na awakamilishie swalah yao, kwa sababu wamekwishapiga Takbiyr baada yake ambayo walifikiria kuwa yuko na twahara.
Swali: Lakini akirudia Takbiyr yake inakuwa baada ya Takbiyr yao?
Jibu: Ndio, Takbiyr yao kwa nisba ya Takbiyr yake ya kwanza iliyotangulia.
- Mhusika: Imaam ´Abdul-´Aziyz bin ´Abdillaah bin Baaz
- Mfasiri: Firqatunnajia.com
- Marejeo: https://binbaz.org.sa/fatwas/23713/هل-يشرع-انتظار-الامام-لعارض-حتى-يرجع
- Imechapishwa: 12/04/2024
