Swali: Hukumu ya kuswali katika msikiti ambao kuna kaburi ndani yake au msikiti ambao katika Qiblah chake kuna kaburi lakini kuna kizuizi kama ukuta kati yao?
Jibu: Swalah ni sahihi ikiwa kaburi liko nje ya msikiti, lakini ikiwa msikiti una kaburi ndani yake, basi swalah si sahihi hata kama ni kaburi moja tu.
Swali: Je, ikiwa kaburi liko kwenye uwanja wa msikiti?
Jibu: Ikiwa uwanja huo ni sehemu ya msikiti, basi haisihi kuswali humo. Lakini ikiwa uwanja huo uko nje ya msikiti na hauhesabiki kama sehemu ya msikiti, basi hakuna tatizo.
Swali: Ikiwa kuna kizuizi, kama ukuta, baina ya kaburi na msikiti, iwe ni katika Qiblah, kulia, kushoto au nyuma ya msikiti?
Jibu: Ikiwa kaburi liko nje ya msikiti, basi swalah ni sahihi.
Swali: Ikiwa kaburi liko mashariki mwa msikiti, karibu na vyoo, na si ndani ya msikiti?
Ibn Baaz: Unakusudia nje ya msikiti.
Mwanafunzi: Ndio, nje ya msikiti.
Ibn Baaz: Haidhuru.
Swali: Ikiwa msikiti umejengwa juu ya kaburi lakini kuna kizuizi kati yao, msikiti ukatengwa na kaburi?
Jibu: Ikiwa uke nje ya msikiti na haitakiwi ndani ya msikiti kuwepo makaburi.
Swali: Lakini msikiti umejengwa juu yake?
Jibu: Kujenga misikiti juu ya makaburi… haizingatiwi kuwa umejengwa juu yake isipokuwa pale unapokuwa ndani yake.
Swali: Lakini haukujengwa isipokuwa kwa sababu yake. Kwa maana nyingine kumewekwa kaburi kisha msikiti ukaandaliwa baada yake?
Jibu: Kinachonidhihirikia ni kwamba muda wa kuwa liko nje yake basi hukumu yake… kwa ajili ya kuepuka utata inatakiwa kufukua mabaki ya kaburi na kuyahamisha makaburini. Kaburi lihamishwe na kuondoshwa.
Swali: Lakini kaburi ndio limetangulia?
Swali: Linatakiwa kuondoshwa hata kama ndio limetangulia. Linatakiwa kuondoshwa.
Swali: Ikiwa kaburi ndio limekuja baadaye?
Jibu: Linatakiwa kuondoshwa na kutengwa mbali.
- Mhusika: Imaam ´Abdul-´Aziyz bin ´Abdillaah bin Baaz
- Mfasiri: Firqatunnajia.com
- Marejeo: https://binbaz.org.sa/fatwas/24826/حكم-الصلاة-في-مسجد-في-وسطه-او-قبلته-قبر
- Imechapishwa: 22/12/2024
