Swali: Je, du´aa inarudisha Qadhwaa?
Jibu: Allaah ameweka du´aa na akaiamrisha. Amesema (Ta´ala):
وَقَالَ رَبُّكُمُ ادْعُونِي أَسْتَجِبْ لَكُمْ
“Mola wenu amesema: “Niombeni Nitakuitikieni.” (40:60)
وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ
“Watakapokuuliza waja Wangu kuhusu Mimi, basi Mimi niko karibu Naitikia du’aa ya muombaji anaponiomba.” (02:186)
Mja akifanya sababu zilizowekwa katika Shari´ah na akaomba hilo pia ni katika Qadhwaa. Hivyo ni kurudisha Qadhwaa kwa Qadhwaa endapo Allaah atataka kufanya hivo. Imethibiti katika Hadiyth Swahiyh kutoka kwa Mtume wa Allaah (Swalla Allaahu ´alayhi wa sallam) ambaye amesema:
”Hakika mja hunyimwa riziki kwa dhambi yenye kumpata. Hakuna kinachoirudisha Qadar isipokuwa du´aa na hakuna kinachozidisha umri isipokuwa wema.”
- Mhusika: al-Najnah ad-Daaimah
- Mfasiri: Firqatunnajia.com
- Marejeo: Fataawaa al-Najnah ad-Daaimah (01/91-92)
- Imechapishwa: 06/10/2020
