Swali: Je, Allaah anaweza kuonekana ulimwenguni?
Jibu: Hapana, ataonekana Aakhirah peke yake. Waumini watamuona Aakhirah. Amesema kuhusu ulimwenguni:
لَن تَرَانِي وَلَـٰكِنِ انظُرْ إِلَى الْجَبَلِ فَإِنِ اسْتَقَرَّ مَكَانَهُ فَسَوْفَ تَرَانِي
“Hutoniona! Lakini tazama jabali. Likitulia mahali pake, basi utaniona.”[1]
Amesema (Swalla Allaahu ´alayhi wa sallam):
”Tambueni kuwa hakuna yeyote katika nyinyi atakayemuona Mola wake mpaka atapofariki.”
Hata Mtume na Muusa (Swalla Allaahu ´alayhimaa wa sallam) alipotaka kumuona Allaah alimwambia:
لَن تَرَانِي وَلَـٰكِنِ انظُرْ إِلَى الْجَبَلِ فَإِنِ اسْتَقَرَّ مَكَانَهُ فَسَوْفَ تَرَانِي
“Hutoniona! Lakini tazama jabali. Likitulia mahali pake, basi utaniona.”
Lakini Aakhirah waumini watamuona katika uwanja wa mkusanyiko na Peponi.
Swali: Vipi kuhusu maneno ya Ibn ´Abbaas kwamba alimuona kwa moyo wake?
Jibu: Huu ni uonaji wa usingizini. Alimtambua zaidi kwa moyo wake.
[1] 7:143
- Mhusika: Imaam ´Abdul-´Aziyz bin ´Abdillaah bin Baaz
- Mfasiri: Firqatunnajia.com
- Marejeo: https://binbaz.org.sa/fatwas/22344/هل-يمكن-روية-الله-عز-وجل-في-الدنيا
- Imechapishwa: 17/02/2023
