Imaam Ibn Qudaamah (Rahimahu Allaah) amesema:
يُحِبُّهُمْ وَيُحِبُّونَهُ
“Atakaowapenda nao watampenda.”[1]
MAELEZO
6 – Kupenda. Kupenda ni miongoni mwa sifa za Allaah zilizothibiti kwa Qur-aan, Sunnah na maafikiano ya Salaf. Allaah (Ta´ala) amesema:
فَسَوْفَ يَأْتِي اللَّـهُ بِقَوْمٍ يُحِبُّهُمْ وَيُحِبُّونَهُ
”… basi Allaah atawaleta watu [badala yao] atakaowapenda nao watampenda.”
Mtume (Swalla Allaahu ´alayhi wa sallam) amesema siku ya Khaybar:
“Kesho nitampa bendera mtu ambaye anampenda Allaah na Mtume Wake na Allaah Naye anampenda na Mtume Wake.”[2]
Kuna maafikiano juu yake.
Salaf wameafikiana juu ya kuthibitisha Allaah (Ta´ala) kupenda. Kwa hiyo ni lazima kumthibitishia nayo kikweli pasi na kupotosha, kukanusha, kuifanyia namna wala kuipigia mfano. Ni kupenda kikweli ambako kunalingana na Allaah (Ta´ala).
Ahl-ut-Ta´twiyl wamefasiri kuwa ni thawabu. Tunawaraddi kwa yale yaliyokwishatangulia katika kanuni ya nne.
[1] 05:54
[2] al-Bukhaariy (4210) na Muslim (2406).
- Mhusika: Imaam Muhammad bin Swaalih bin ´Uthaymiyn
- Mfasiri: Firqatunnajia.com
- Marejeo: Ta´aliyq mukhtaswar ´alaa Lum´at-il-I´tiqaad, uk. 54
- Imechapishwa: 18/10/2022
