Swali 21: Salaf wanapowakufurisha watu maalum wa madhehebu ya Jahmiyyah, kama ambavo ash-Shaafi´iy alivyomkufurisha Hafsw al-Fard wakati aliposema kuwa Qur-aan ni kiumbe, ambapo ash-Shaafi´iy akamwambia kuwa amemkufuru Allaah Mtukufu, kama alivyonukuu al-Laalakaa’iy katika ”Sharh Usuul I’tiqaad Ahl-is-Sunnah”, na kama walivyokafirishwa Jahm bin Swafwaan, Bishr al-Maariysiy, an-Nadhwaam na Abul-Hudhayl al-‘Allaaf, kama alivyonukuu Ibn Battwah katika ”al-Ibaanah as-Sughraa” – Je, wanakusudia kuwakufurisha watu hawa wenyewe kama wenyewe au maneno yao ndio ya kikafiri na si wao kama wao?
Jibu: Dhahiri ni kwamba kinachokusudiwa ni kuwakufurisha wao kama wao kutokana na kutajwa majina yao kwa upekee. Vivyo hivyo kinachohihiri ni kwamba ash-Shaafi´iy alimjadili na akasimamisha hoja dhidi yake. Kunapokusudiwa kukufurisha kwa ujumla ni kama pale baadhi yao wanaposema:
”Jahmiyyah ni makafiri.”
Lakini pale wanapobainishwa watu maalum waliokabiliana na maimamu na kujadiliana nao, makusudio inakuwa kuwakufurisha wao kama wao. Wanazuoni wana mitazamo tofauti kuhusu kuwakufurisha Jahmiyyah:
1 – Wako wenye kuona kuwa wale waliochupa mipaka ni makafiri.
2 – Wengine wakaona kuwa wote ni makafiri.
3 – Wengine wakaona kuwa wote ni wazushi.
Inapokuja kwa wale mmojammoja ambao waliwakabili maimamu na wakajadiliana nao, udhahiri ni kwamba waliwakufurisha wao kama wao kwa sababu hoja inakuwa imesimama dhidi yao.
- Muhusika: ´Allaamah ´Abdul-´Aziyz bin ´Abdillaah ar-Raajihiy
- Tarjama: Firqatunnajia.com
- Marejeo: As-ilah wa Ajwibah fiy-Iymaan wal-Kufr, uk. 51
- Imechapishwa: 08/01/2026