Swali: Ni ipi hukumu ya mwenye kula au kunywa mchana wa Ramadhaan kwa kusahau?
Jibu: Hakuna neno juu yake na swawm yake ni sahihi. Allaah (Subhaanah) amesema mwishoni mwa Suurah “al-Baqarah”:
رَبَّنَا لَا تُؤَاخِذْنَا إِن نَّسِينَا أَوْ أَخْطَأْنَا
“Ee Mola wetu! Usituchukulie pale tutaposahau au tukikosea.”[1]
Imesihi kwamba Mtume wa Allaah (Swalla Allaahu ´alayhi wa sallam) amesema kwamba Allaah (Subhaanah) amesema:
“Nimefanya hivo.”
Pia imethibiti kupitia kwa Abu Hurayrah (Radhiya Allaahu ´anh) aliyesimulia kuwa Mtume (Swalla Allaahu ´alayhi wa sallam) amesema:
“Mwenye kusahau ambapo akala au akanywa basi aikamilishe swawm yake. Kwani si vyengine Allaah ndiye kamlisha na kumnywesha.”
Ameipokea al-Bukhaariy na Muslim.
[1] 02:286
- Mhusika: Imaam ´Abdul-´Aziyz bin ´Abdillaah bin Baaz
- Mfasiri: Firqatunnajia.com
- Marejeo: Ashyaa´ laa tufsid-is-Swawm, uk. 14-15
- Imechapishwa: 03/04/2021
