Shaykh-ul-Islaam Ibn Taymiyyah amesema:
Wanazuoni na maimamu wanasema nini kuhusu Aayah zinazozungumzia sifa ikiwa ni pamoja na maneno Yake (Ta´ala):
الرَّحْمَـٰنُ عَلَى الْعَرْشِ اسْتَوَىٰ
”Mwingi wa rehema amelingana juu ya ´Arshi.”[1]
إِنَّ رَبَّكُمُ اللَّـهُ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَىٰ عَلَى الْعَرْشِ
“Hakika Mola wenu ni Allaah ambaye ameumba mbingu na ardhi katika siku sita kisha akalingana juu ya ´Arshi.”[2]
ثُمَّ اسْتَوَىٰ إِلَى السَّمَاءِ وَهِيَ دُخَانٌ فَقَالَ لَهَا وَلِلْأَرْضِ ائْتِيَا طَوْعًا أَوْ كَرْهًا قَالَتَا أَتَيْنَا طَائِعِينَ
”Kisha akalingana juu ya mbingu iliali ni moshi, akaziambia pamoja na ardhi: ”Njooni kwa kutaka au kwa lazima. Zikasema: ”Tumekuja hali ya kuwa tumetii.”[3]?
MAELEZO
Miongoni mwa Aayah zinazozungumzia sifa ambazo kumetokea ufahamu wa kimakosa juu yake, ni suala la kulinganaa juu ya ´Arshi. Allaah ameeleza juu Yake Mwenyewe (´Azza wa Jall) kuwa amelingana juu ya ´Arshi maeneo saba ndani ya Kitabu Chake. Kila mara anasema:
ثُمَّ اسْتَوَىٰ عَلَى الْعَرْشِ
“… kisha akalingana juu ya ´Arshi.”
Kwa hivyo tukafahamu kuwa sifa hiyo ni ya kikweli, na si kama wanavosema wazushi, ya kwamba ni kutawala (استولى) juu ya ´Arshi. Wameongeza (ل) kama ambavyo mayahudi waliongeza (ن) katika Tawraat. Mayahudi walipoambiwa waseme:
حِطَّةٌ
“Tuondolee uzito wa dhambi!”[4]
Wakaongezea (ن) na kusema:
حنطة
”Ngano.”
Badala yake wanataka kula na hawataki kusamehewa. Mayahudi wamezidisha (ن) ndani ya Tawraat na hawa wengine (ل) na wakasema kuwa Ametawala (استولى) juu ya ´Arshi, na kwamba si kwamba amelingana ( اسْتَوَى) juu ya ´Arshi. Sentesi hiyo haikuthibiti katika Aayah hata moja ndani ya Qur-aan. Kwa hivyo ikafahamisha kuwa tafsiri hiyo ni batili na yenye kutupiliwa mbali.
[1] 20:05
[2] 07:54
[3] 41:11
[4] 2:58
- Mhusika: Imaam Swaalih bin Fawzaan al-Fawzaan
- Mfasiri: Firqatunnajia.com
- Marejeo: at-Ta´liyqaat at-Tawdhwiyhiyyah ´alaa Muqaddimat-il-Fatwaaa al-Hamawiyyah, uk. 27-28
