Swali: Wakati wa kutembelea msikiti wa Mtume, je, imependekezwa kutembelea kaburi na kumsalimia Mtume (Swalla Allaahu ´alayhi wa sallam), pamoja na kwamba Mtume (Swalla Allaahu ´alayhi wa sallam) amesema:
“Niswalieni, kwani hakika du´aa yenu hunifikia popote mlipo.”
Ni ipi dalili ya kwamba hilo limesuniwa?
Jibu: Sunnah kwa mwenye kuutembelea msikiti wa Mtume ni kuswali humo Rak´ah mbili, kisha baada ya hapo kulitembelea kaburi la Mtume (Swalla Allaahu ´alayhi wa sallam), kumswalia Mtume (Swalla Allaahu ´alayhi wa sallam) na kuwasalimia Maswahabah wake wawili. Wakati anapofunga safari na kusafiri, nia yake iwe ni kuutembelea msikiti. Atakapofika msikitini, aswali humo Rak´ah mbili, kisha baada ya hapo alitembelee kaburi la Mtume (Swalla Allaahu ´alayhi wa sallam), kwa sababu katika hali hii hakusafiri wala kufunga safari kwa ajili ya kaburi.
- Muhusika: ´Allaamah ´Abdul-´Aziyz bin ´Abdillaah ar-Raajihiy
- Tarjama: Firqatunnajia.com
- Marejeo: Fataawaa Mutanawwi´ah (25)
- Imechapishwa: 25/09/2026