Swali: Ni ipi hukumu ya mtu kuomba sifa miongoni mwa sifa za Allaah?
Jibu: Haijuzu kuomba sifa. Mtu anatakiwa kufanya Tawassul kwazo:
”Ee Allaah! Ninakuomba kwa kukupenda kwangu, najilinda kwa radhi Yako kutokana na ghadhabu Zako na kwa msamaha Wako kutokana na adhabu Yako.”
Mtu anafanya Tawassul kwazo. Haifai kuziomba:
”Ee jicho la Allaah, tufanyie kadhaa! Ee mkono wa Allaah, turuzuku! Ee maneno ya Allaah, tusaidie!”
Haifai. Bali mtu aseme:
”Ee Allaah! Ee Mwingi wa rehema! Ee Mwenye kurehemu!”
Anaombwa kwa majina Yake (Jalla wa ´Alaa). Sifa haziombwi kwa maafikiano ya waislamu. Hivo ndivo alivyosema Shaykh-ul-Islaam (Rahimahu Allaah). Mtu anatakiwa kufanya Tawassul kwazo na kuomba ulinzi kwazo:
”Ee Allaah! Hakika mimi najilinda kwa radhi Yako kutokana na ghadhabu Zako na kwa msamaha Wako kutokana na adhabu Yako. Nakutaka msaada kwa rehema Yako, ee Mola wangu.”
Na mfano wa hayo.
- Muhusika: Imaam ´Abdul-´Aziyz bin ´Abdillaah bin Baaz
- Tarjama: Firqatunnajia.com
- Marejeo: https://binbaz.org.sa/fatwas/30980/هل-يجوز-دعاء-الصفة-من-صفات-الله
- Imechapishwa: 19/09/2025