Swali: Kuna mtu alinuia kufunga Sha´baan na katikati ya funga yake ya Sha´baan akapatwa na maradhi ambapo akala na katika nia yake ni kukamilisha kuifunga Sha´baan. Je, analipwa kwa alichonuia?
Jibu: Kunatarajiwa atalipwa kwa alichonuia. Mtume (Swalla Allaahu ´alayhi wa sallam) amesema:
“Mtu anapokuwa mgonjwa au akasafiri, basi Allaah anamwandikia mfano wa aliyokuwa akiyafanya katika hali ya ukazi na uzima.”[1]
Ameipokea al-Bukhaariy katika “as-Swahiyh” yake.
Vilevile amesema (Swalla Allaahu ´alayhi wa sallam):
“Hakika si vyenginevyo kila kitendo kinalipwa kutegemea na nia na kila mmoja atalipwa kwa kile alichonuia.”[2]
[1] al-Bukhaariy (2996).
[2] al-Bukhaariy (01).
- Mhusika: Imaam ´Abdul-´Aziyz bin ´Abdillaah bin Baaz
- Mfasiri: Firqatunnajia.com
- Marejeo: Majmuu´-ul-Fataawaa (15/421)
- Imechapishwa: 19/04/2022
