Shaykh-ul-Islaam Muhammad bin ´Abdil-Wahhaab (Rahimahu Allaah) amesema:
Hivyo mwambie: “Kwa hiyo ukitambua maneno ya Allaah (Ta´ala):
فَصَلِّ لِرَبِّكَ وَانْحَرْ
“Basi swali na chinja kwa ajili ya Mola Wako.” (108:02)
ukamtii Allaah na ukamchinjia; je hii ni ´ibaadah?” Hana budi kusema: “Ndio”. Hivyo muulize:
“Ukichinja kwa ajili ya kiumbe; ni mamoja awe ni Mtume, jini au mwengine; je utakuwa umeshirikisha katika ´ibaadah hii asiyekuwa Allaah?” Hana budi kukubali na kusema: “Ndio”.
MAELEZO
Hapa mtunzi wa kitabu (Rahimahu Allaah) anaenda katika aina nyingine ya ´ibaadah, ambayo ni kuchinja. Mwambie: “Kwa hiyo ukitambua maneno ya Allaah (Ta´ala):
فَصَلِّ لِرَبِّكَ وَانْحَرْ
“Basi swali na chinja kwa ajili ya Mola Wako.”
ukimtii Allaah na ukamchinjia; je hii ni ´ibaadah?” Hana budi kusema: “Ndio”. Amekubali mwenyewe kuwa kuchinja kwa ajili ya Allaah (Ta´ala) ni ´ibaadah. Kujengea juu ya hili, kuchinja kwa ajili ya mwingine asiyekuwa Allaah inakuwa shirki.
- Mhusika: Imaam Muhammad bin Swaalih bin ´Uthaymiyn
- Mfasiri: Firqatunnajia.com
- Marejeo: Sharh Kashf-ish-Shubuhaat, uk. 67
- Imechapishwa: 24/11/2023
