125 – al-Qaadhwiy Abu Bakr Ahmad bin al-Hasan bin Ahmad al-Hiyriy ametukhabarisha huko Naysaabuur: Abu Muhammad Haajib bin Ahmad bin Yarham bin Sufyaan at-Twusiy ametukhabarisha: Muhammad bin Hammaad – yaani al-Abiyawardiy – ametukhabarisha: Yaziyd bin Haaruun ametuhadithia, kutoka kwa Sulaymaan at-Tamiymiy, kutoka kwa Sayyaar, kutoka kwa ´Aa-idhullaah, ambaye amesema:
”Anayezifuatilia Hadiyth kwa ajili ya kuzisimulia, basi hatonusa harufu ya Pepo.”
126 – Abul-Hasan ´Aliy bin al-Qaasim bin al-Hasan ash-Shaahid ametukhabarisha huko Baswrah: ´Aliy bin Ishaaq al-Maadiraa-iy ametuhadithia: Ahmad bin Muhammad al-Khaliyliy ametukhabarisha: Sulaymaan bin Daawuud amenihadithia: Khaalid bin al-Haarith al-Hujaymiy ametukhabarisha: Kulisemwa kuambiwa Ibn Shubrumah:
”Simulia utalipwa thawabu.” Ndipo akasoma:
Wananiahidi malipo makubwa illihali hakuna ninachotamani
isipokuwa kuokoka – isiwe upande wangu wala dhidi yangu
127 – al-Qaadhwiy Abul-´Alaa’ al-Waasitwiy ametukhabarisha: Muhammad bin Ahmad bin Muhammad al-Mu´iyd ametuzindua kwa njia ya kutusomea: Muhammad bin as-Simtw ametuhadithia: Abu Naswr Rajaa’ bin Sahl ametukhabarisha: Abu Mushir ´Abdul-A´laa bin Mushir ametuhadithia:
”Asubuhi moja wanafunzi waliraukia kwa al-Awzaa´iy kwa ajili ya kusikiliza Hadiyth, ambapo akawageukia na kusema:
Ni wakusanyaji wangapi wenye pupa na wenye hamu
Wasiokuwa wenye kunufaika wala kunufaisha!
128 – ´Aliy bin al-Qaasim ametukhabarisha: ´Aliy bin Ishaaq ametukhabarisha: al-Mufadhdhwal bin Muhammad bin Ibraahiym alisomewa huko Makkah na mimi nimehudhuria: Abu Ya´quub Ishaaq bin Ibraahiym at-Twabariy ametukhabarisha: Nimemsikia al-Fudhwayl akisema:
”Lau ungeniomba dinari ingelikuwa ni jambo jepesi zaidi kwangu kuliko kuniomba kusimulia Hadiyth.” Nikamwambia: ”Kunisimulia faida ya Hadiyth ambazo nilikuwa sina inapendeza zaidi kwangu kuliko kunipa dinari.” Akasema: ”Hakika wewe umetahiniwa. Naapa kwa Allaah kuyafanyia kazi yale ambayo umekwishasikia kungekushughulisha kutokana na yale ambayo hujayasikia.” Kisha akasema: ”Nimemsikia Sulaymaan bin Mihran akisema: ”Ni lini utashiba ikiwa kila unapochukua tonge la chakula mdomoni unalitupa nyuma ya mgongo wako?”
129 – ´Aliy bin al-Qaasim ametukhabarisha: ´Aliy bin Ishaaq al-Maadiraa-iy ametukhabarisha: Ja´far bin Muhammad as-Swaa-igh ametuhadithia: ´Ubaydullaah bin ´Umar al-Qazwiyniy ametukhabarisha:
”Nilimuona mtoto wa Sufyaan bin ´Uyaynah amekuja kwa al-Fudhwayl, akamwambia: ”Je, hayakutoshi yale yaliyoko katika nyumba yenu mpaka uhitaji kuja hapa?”
Bi maana Hadiyth.
130 – ´Aliy ametukhabarisha: ´Aliy ametuhadithia: Ja´far as-Swaa-igh ametukhabarisha: Khaalid bin Khidaash ametukhabarisha:
”al-Fudhwayl alinambia: ”Sufyaan amekuja?” Nikasema: ”Ndio.” Akasema: ”Alikuwa mtu mwema kabisa kama tu asingekuwa anazitafuta Hadiyth.”
- Muhusika: Imaam Abu Bakr Ahmad bin ´Aliy al-Khatwiyb al-Baghdaadiy (afk. 463)
- Tarjama: Firqatunnajia.com
- Marejeo: Iqtidhwaa’-ul-´Ilm al-´Amal, uk. 81-83
- Imechapishwa: 21/05/2024
- Taaliki: Imaam Muhammad Naaswir-ud-Diyn al-Albaaniy
