Allaah (´Azza wa Jall) amesema:
اهْدِنَا الصِّرَاطَ الْمُسْتَقِيمَ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ
“Tuongoze njia iliyonyooka; njia ya wale Uliowaneemesha, si ya walioghadhibikiwa wala waliopotea.”[1]
Bi maana kinyume na ile njia ya wale uliowaghadhibikia na kinyume na ile njia ya wapotofu. Watu hawatoki nje ya mafungu haya matatu:
1 – Wale walioneemeshwa ambao wanafuata njia ilionyooka na wakapita kwa mujibu wa elimu.
2 – Wale walioghadhibikiwa. Nao ni wale walioitambua elimu pasi na kuitendea kazi na wakafuata matamanio yao.
3 – Wapotofu. Ni wale wanaomwabudu Allaah kwa ujinga na hawana elimu.
Watu wako sampuli tatu:
1 – Wajuzi na watendaji; hawa ndio watu wa njia ilionyooka.
2 – Wajuzi wasiotenda. Hawa ndio walioghadhibikiwa, kwa sababu wameitambua lakini hawakuitendea kazi. Hawana udhuru.
3 – Wapotofu ambao hawarejei katika elimu. Wanamwabudu Allaah kwa mujibu wa matamanio yao, desturi zao na kufuata kwao kichwa mchunga na pasi na dalili. Wanamwabudu Allaah kwa Bid´ah, mambo yaliyozuliwa na ukhurafi ambayo shaytwaan amewapambia.
Kundi la kwanza pekee ndio limeokoka. Hayo makundi mawili mengine wako vizani. Tunamuomba Allaah atukinge dhidi ya hilo!
[1] 1:6-7
- Mhusika: Imaam Swaalih bin Fawzaan al-Fawzaan
- Mfasiri: Firqatunnajia.com
- Marejeo: at-Ta´liyqaat at-Tawdhwiyhiyyah ´alaa Muqaddimat-il-Fatwaaa al-Hamawiyyah, uk. 41
- Imechapishwa: 28/07/2024
