1- Muhammad bin ´Aliy bin Husayn amesema:
“Pindi mtu anapofikisha miaka 40 hunadi mwenye kunadi mbinguni: “Safari inakaribia. Andaa chakula chako.”
2- Mwenye busara anatakiwa kuwa mwangalifu kutoufanya moyo wake kuwa mgumu. Mfalme akiwa mzuri basi na askari pia huwa wazuri na mfalme akiharibika basi na askari pia huharibika.
3- ´Umar bin al-Khattwaab amesema:
“Keti na wale wenye kutubia. Mioyo yao ni laini.”
4- Kuna mtu alimwambia al-Hasan al-Baswriy:
“Mambo yako vipi? Vipi hali yako?” Akajibu:
“Ni vipi itakuwa hali ya ambaye anakutana na asubuhi na jioni hali ya kusubiri mauti yamjie na wala hajui ni kipi kitachopitika?”
5- al-Hasan al-Baswriy:
“Kitendo bora ni uchaji Allaah na mazingatio.”
- Mhusika: Imaam Muhammad bin Hibbaan al-Bustiy
- Mfasiri: Firqatunnajia.com
- Marejeo: Rawdhat-ul-´Uqalaa’ wa Nuzhat-ul-Fudhwalaa’, uk. 31-32
- Imechapishwa: 12/11/2016
