Swali: Ni ipi hukumu kwa yule ambaye amekula Ramadhaan nzima na akataka kuilipa; je, ailipe kwa kufululiza au hakuna ubaya akailipa pindi anapotaka lakini hata hivyo kabla ya kuingia Ramadhaan ya kufuata?
Jibu: Allaah (Tabaarak wa Ta´ala) amesema:
وَمَن كَانَ مَرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ
“Atakayekuwa mgonjwa au safarini basi atimize idadi katika siku nyinginezo.”[1]
Allaah (Tabaarak wa Ta´ala) hakusema kwa kufululiza. Iwapo Allaah (Subhaanahu wa Ta´ala) angelitaka kufanya hivo kwa kufululiza basi angelifungamanisha. Kama alivosema (Ta´ala) kuhusu kafara ya kumfananisha mke na mgongo wa mama:
فَمَن لَّمْ يَجِدْ فَصِيَامُ شَهْرَيْنِ مُتَتَابِعَيْنِ
“Yule asiyepata, basi afunge miezi miwili mfululizo.”[2]
Mtu ambaye ana deni la Ramadhaan yuko huru; anaweza kulipa kwa mwezi siku mbili, siku tatu, siku nne au akazikusanya zote. Muhimu asiingiliwe na Ramadhaan ya pili isipokuwa baada ya kumaliza deni lake la Ramadhaan iliyopita. ´Aaishah amesema:
“Nilikuwa na deni la Ramadhaan na siwezi kulilipa isipokuwa katika Sha´baan.”
[1] 02:185
[2] 04:92
- Mhusika: Imaam Muhammad bin Swaalih bin ´Uthaymiyn
- Mfasiri: Firqatunnajia.com
- Marejeo: al-Liqaa’ ash-Shahriy (49) http://binothaimeen.net/content/1132
- Imechapishwa: 02/06/2020
