57- Abu Muhammad bin Swaa´id amenihadithia: Ya´quub bin Ibraahiym ad-Dawraqiy ametuhadithia: Wakiy´ bin al-Jarraah ametuhadithia: ´Abbaad bin Mansuur ametuhadithia, kutoka kwa al-Qaasim bin Muhammad: Nilimsikia Abu Hurayrah akieleza kuwa Mtume wa Allaah (Swalla Allaahu ´´alyhi wa sallam) amesema:
“Allaah (´Azza wa Jall) anakubali swadaqah na anaipokea kwa mkono Wake wa kuume. Halafu anailea kwa ajili ya mmoja wenu, kama ambavyo mmoja wenu anavyomlea mtoto wa ng´ombe, kisha tonge lile linakuwa kama Uhud. Uthibitisho wa hilo uko katika Kitabu cha Allaah (´Azza wa Jall):
أَلَمْ يَعْلَمُوا أَنَّ اللَّـهَ هُوَ يَقْبَلُ التَّوْبَةَ عَنْ عِبَادِهِ وَيَأْخُذُ الصَّدَقَاتِ
“Je, hawajui kwamba Allaah ndiye anayepokea tawbah kutoka kwa waja Wake na anapokea swadaqah?”[1]
يَمْحَقُ اللَّـهُ الرِّبَا وَيُرْبِي الصَّدَقَاتِ
”Allaah huifuta baraka ribaa na huzibariki swadaqah.”[2]
Ameipokea al-Bukhaariy katika kitabu cha Tawhiyd.
[1] 09:104
[2] 02:276
- Mhusika: Imaam ´Aliy bin ´Umar ad-Daaraqutwniy
- Mfasiri: Firqatunnajia.com
- Marejeo: Kitaab-us-Swifaat, uk. 109-103
- Imechapishwa: 09/04/2018
