al-´Ayyaashiy amesema alipokuwa akifasiri Aayah:
إِنَّ اللَّـهَ اصْطَفَىٰ آدَمَ وَنُوحًا وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ
“Hakika Allaah amemteua Aadam na Nuuh na kizazi cha Ibraahiym na kizazi cha ‘Imraan juu ya walimwengu wote.”[1]
“Hishaam bin Saalim amesema: “Nilimuuliza Abu ´Abdillaah kuhusiana na Aayah:
إِنَّ اللَّـهَ اصْطَفَىٰ آدَمَ وَنُوحًا وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ
“Hakika Allaah amemteua Aadam na Nuuh na kizazi cha Ibraahiym na kizazi cha ‘Imraan juu ya walimwengu wote.”
Akasema: “Kihakika inatakikana kuwa hivi:
إِنَّ اللَّـهَ اصْطَفَىٰ آدَمَ وَنُوحًا وَآلَ إِبْرَاهِيمَ و آل محمد عَلَى الْعَالَمِينَ
“Hakika Allaah amemteua Aadam na Nuuh na kizazi cha Ibraahiym na kizazi cha Muhammad juu ya walimwengu wote.”
Waliondosha neno na badala yake wakatia lingine.”[2]
Mnamsemea uongo Allaah, Qur-aan, Abu ´Abdillaah, familia yake na maimamu. Hakuna yeyote aliyekanusha familia ya Mtume (Swalla Allaahu ´alayhi wa sallam) mpaka Abu ´Abdillaah alazimishe kuthibitisha hilo katika Qur-aan. Haiwezekani kamwe akamzulia Allaah au Mtume Wake (Swalla Allaahu ´alayhi wa sallam).
Allaah na waislamu wote katika kila kizazi wanashuhudia ya kwamba ziada hii imetoka kwa mazanadiki katika Raafidhwah Baatwiniyyah. Halafu mazanadiki wanadai kuwa Maswahabah wa Muhammad (Swalla Allaahu ´alayhi wa sallam) waaminifu (ambao Allaah kwao ameihifadhi Qur-aan na Ummah wa Kiislamu) wamepotosha Qur-aan!?!?
[1] 03:33
[2] Tafsiyr al-´Ayyaashiy (1/169).
- Mhusika: ´Allaamah Rabiy´ bin Haadiy al-Madkhaliy
- Mfasiri: Firqatunnajia.com
- Marejeo: al-Intiswaar li Kitaab-il-´Aziyz al-Jabbaar, uk. 89
- Imechapishwa: 03/04/2017
