Nimerefusha maudhui haya. Lau ningelitaja maneno ya kila imamu yanayothibitisha sifa za Allaah, basi kitabu kingelikuwa kikubwa. Ikiwa mpinzani haongoki kwa maafikiano yote haya tuliyoyataja yanayothibitisha sifa za Allaah pasi na kuzifanyia namna, au pengine hata hayasadikishi kabisa, basi namuomba Allaah asimwongoze. Hakuna kheri kwa mtu ambaye anayarudisha maneno kutoka kwa az-Zuhriy, Mak-huul, al-Awzaa´iy, ath-Thawriy, al-Layth bin Sa´d, Maalik, Ibn ´Uyaynah, Ibn-ul-Mubaarak, Muhammad bin al-Hasan, ash-Shaafi´iy, al-Humaydiy, Abu ´Ubayd, Ahmad bin Hanbal, Abu ´Iysaa at-Tirmidhiy, Ibn Surayj, Ibn Jariyr at-Twabariy, Ibn Khuzaymah, Zakariyyaa as-Saajiy na Abul-Hasan al-Ash´ariy.
Hakuna kheri pia kwa mtu ambaye anawarudisha mfano wao ambao wametangaza maafikiano katika jambo hilo, kama mfano wa al-Khattwaabiy, Abu Bakr al-Ismaa´iyliy, Abul-Qaasim at-Twabaraaniy, Abu Ahmad al-´Assaal, Abul-Hasan ad-Daaraqutwniy, Abu ´Abdillaah bin Battwah, Abu ´Abdillaah bin Mandah, Abu Bakr al-Baaqilaaniy, Abu Bakr bin Fawrak, Abul-Qaasim al-Laalakaa’iy, Abu Nu´aym (mtunzi wa ”Hilyat-ul-Awliyaa’), Ma´mar bin Ziyaad, Abu ´Umar at-Twalamankiy, Abu ´Uthmaan as-Swaabuuniy, Abul-Fath Sulaym ar-Raaziy katika tafsiri yake ya Qur-aan, Abu Naswr as-Sijziy, Abu Bakr al-Bayhaqiy, Abu ´Umar bin ´Abdil-Barr, Abu Bakr al-Khatwiyb, kiongozi wa Waumini al-Qaadir billaah, Abul-Qaasim Sa´d bin ´Aliy az-Zanjaaniy, Abul-Ma´aaliy al-Juwayniy, Shaykh-ul-Islaam Abu Ismaa´iyl al-Answaariy, Abu Muhammad al-Baghawiy, Abul-Qaasim Ismaa´iyl at-Taymiy (mtunzi wa ”at-Targhiyb wat-Tarhiyb”), Shaykh-ul-Islaam Abul-Bayaan Naba’ ad-Dimashqiy na Shaykh ´Abdul-Qaadir al-Jiyliy. Wanamme hawa ndio walikuwa kiini cha ummah. Yule asiyewafata basi anafuata njia ya wasiokuwa waumini.
- Mhusika: Imaam Shams-ud-Diyn Muhammad bin Ahmad adh-Dhahabiy (afk. 748)
- Mfasiri: Firqatunnajia.com
- Marejeo: al-Arba´iyn fiy Swifaati Rabb-il-´Aalamiyn, uk. 95-103
- Imechapishwa: 05/06/2024
