16- Abu Twaalib al-Haafidhw Ahmad bin Naswr bin Twaalib ametuhadithia: Sulaymaan bin ´Abdil-Hamiyd bin Sulaymaan Abu Ayyuub al-Bahraaniy ametuhadithia kutoka kwenye kitabu chake: Abu Sulaymaan ´Utbah bin as-Sakan al-Fazaariy ametuhadithia: Artwa´ah bin Mundhir ametuhadithia: Layth bin Abiy Sulaym ametuhadithia, kutoka kwa Mujaahid, kutoka kwa ´Abdullaah bin ´Umar aliyesimulia ya kwamba Mtume wa Allaah (Swalla Allaahu ´alayhi wa sallam) amesema:
“Kitu cha kwanza alichoumba Allaah (´Azza wa Jall) ni kalamu. Akaichukua kwa mkono Wake wa kuume – na mikono Yake yote miwili ni ya kuume – na akaandika kila kitachokuwa katika matendo mema na maovu, kilichorutubika na kikavu. Akakichukua Kwake katika kumbukumbu. Kama mnataka msome:
هَـٰذَا كِتَابُنَا يَنطِقُ عَلَيْكُم بِالْحَقِّ ۚ إِنَّا كُنَّا نَسْتَنسِخُ مَا كُنتُمْ تَعْمَلُونَ
“Hiki kitabu Chetu kinatamka juu yenu kwa haki. Hakika Sisi tulikuwa tukiyaandika yale mliyokuwa mkiyatenda.” [1]
Ni kipi chenye kuandikwa kama si kitu ambacho tayari kimeshapangwa?”[2]
[1] 45:29
[2] Ibn Abiy ´Aaswim (107) na ash-Shariy´ah, uk. 187, ya al-Aajurriy.
- Mhusika: Imaam ´Aliy bin ´Umar ad-Daaraqutwniy
- Mfasiri: Firqatunnajia.com
- Marejeo: Kitaab-us-Swifaat, uk. 51-52
- Imechapishwa: 05/11/2017
