Ibn Jurayj (afk. 150), Shaykh wa Haram na Muftiy wa Hijaaz.
120 – Abu Haatim ar-Raaziy amesimulia kutoka kwa al-Answaariy, kutoka kwa Ibn Jurayj (Rahimahu Allaah), ambaye amesema:
”´Arshi Yake ilikuwa juu ya maji kabla ya kuwaumba viumbe.”
Abu ´Amr ´Abdur-Rahmaan bin ´Amr al-Awzaa´iy (afk. 157), mwanachuoni wa watu wa Shaam katika zama zake.
121 – Abu ´Abdullaah al-Haakim amepokea kwamba al-Awzaa´iy amesema:
”Tulikuwa wakati ambao wanafunzi wa Maswahabah wamejaa: ”Hakika Allaah (Ta´ala) Yuko juu ya ´Arshi Yake na tunaziamini zile sifa Zake zilizopokelewa na Sunnah.”[1]
Ameipokea al-Bayhaqiy katika ”al-Asmaa´ was-Swifaat”.
122 – Mfasiri wa Qur-aan Abu Ishaaq ath-Tha´labiy amepokea:
”al-Awzaa´iy aliulizwa kuhusu maneno Yake (Ta´ala):
”thuma stawa…arshi” 7:54
Akajibu: ”Yuko juu ya ´Arshi Yake kama Alivyojisifia Mwenyewe.”
123 – al-Waliyd bin Muslim alimuuliza Imaam Abu ´Amr al-Awzaa´iy kuhusu Hadiyth zinazozungumzia sifa, ambapo akajibu:
”Zipitisheni kama zilivyokuja.”
Miongoni mwa masimulizi ya Imaam huyu ni pamoja na:
“Lazimiana na masimulizi ya waliotangulia hata kama watu watakukataa. Na jihadhari na maoni ya watu hata kama watakupambia nayo kwa maneno.”[2]
[1] Ni Swahiyh kwa mujibu wa Ibn Taymiyyah katika ”at-Tadmuriyyah”, na Ibn-ul-Qayyim akaafikiana naye katika “Ijtimaa´-ul-Juyuush al-Islaamiyyah”, uk. 43. Mtunzi amesema katika ufupisho wake kwamba ”Wapokezi wake ni maimamu na wenye kuaminika”.
[2] Ameipokea al-Ajurriy katika ”ash-Shariy´ah”, uk. 102, kwa cheni ya wapokezi Swahiyh.
- Mhusika: Imaam Shams-ud-Diyn Muhammad bin Ahmad adh-Dhahabiy
- Mfasiri: Firqatunnajia.com
- Marejeo: al-´Uluww lil-´Aliy al-Ghaffaar, uk. 137
- Imechapishwa: 14/07/2024
- taaliki: Imaam Muhammad Naaswir-ud-Diyn al-Albaaniy
