61 – ´Abdus-Swamad bin ´Aliy ametuhadithia: Ja´far bin Ahmad bin al-Khaliyl ametuhadithia: ´Abdus-Salaam bin ´Aaswim ametuhadithia: Abu Zuhayr ametuhadithia: Jaabir bin Yahyaa al-Hadhwramiy ametuhadithia, kutoka kwa Abu Ishaaq, kutoka kwa al-Agharr, kutoka kwa Abu Hurayrah na Abu Sa´iyd al-Khudriy:
“Nawashuhudilia kuwa wamesema na wao wanashuhudia kwamba Mtume wa Allaah (Swalla Allaahu ´alayhi wa sallam) amesema: “Allaah anatoa muhula mpaka kunapopita theluthi ya usiku ya kwanza ndipo hushuka katika mbingu ya chini kisha ananadi: “Je, kuna mtenda dhambi? Je, kuna mwenye kuomba msamaha? Je, kuna mwenye kuuliza? Je, kuna mwenye kuomba?”
Mtume wa Allaah (Swalla Allaahu ´alayhi wa sallam) amesema:
“Hawakusanyiki watu wakimdhukuru Allaah (´Azza wa Jall) isipokuwa wanazungukwa na Malaika, huteremkiwa na utulivu, hufunikwa na rehema na Allaah anawataja kwa wale walioko Kwake.”
al-A´mash ameipokea pia kutoka kwa Abu Ishaaq na Habiyb bin Abiy Thaabit kutoka kwa al-Agharr, kutoka kwa Abu Hurayrah.
- Mhusika: Imaam ´Aliy bin ´Umar ad-Daaraqutwniy
- Mfasiri: Firqatunnajia.com
- Marejeo: Kitaab-un-Nuzuul, uk. 135-136
- Imechapishwa: 26/04/2020
