3 – Upokezi wa Yahyaa bin Yahyaa at-Tamiymiy[1]
al-Bayhaqiy amesema: Abu Bakr Ahmad bin Muhammad bin al-Haarith al-Faqiyh al-Aswfahaaniy[2] ametukhabarisha: Abu Muhammad ´Abdullaah bin Muhammad bin Ja’far bin Hayyaan[3], ambaye pia anatambulika kama Abush-Shaykh, ametuhadithia: Abu Ja´far Ahmad bin Ziyrak al-Yazdiy ametuhadithia: Nimemsikia Muhammad bin ‘Amr bin an-Nadhwr an-Naysaabuuriy[4] akisema: Nimemsikia Yahyaa bin Yahyaa akisema:
“Tulikuwa kwa Maalik bin Anas alipoingia bwana mmoja na kusema: “Ee Abu ´Abdillaah!
الرَّحْمَـٰنُ عَلَى الْعَرْشِ اسْتَوَىٰ
”Mwingi wa rehema amelingana juu ya ´Arshi.”[5]
Amelingana juu vipi?” Maalik akainamisha kichwa chake mpaka akaanza kutokwa na jasho. Kisha akasema: “Kulingana juu si kitu kisichofahamika. Namna haitambuliki. Ni wajibu kuamini hilo na kuuliza juu ya hilo ni Bid´ah. Mimi sikuoni vyengine isipokuwa mzushi.” Kisha kaamuru atolewe nje.”[6]
al-Bayhaqiy pia ameipokea katika “Kitaab-ul-I’tiqaad” kwa cheni hiyohiyo ya wapokezi.
adh-Dhahabiy ameitaja katika “al-‘Uluww” na akasema:
“Yahyaa bin Yahyaa, Ja’far bin ‘Abdillaah na wengineo wameipokea… Hii imethibiti kutoka kwa Maalik.”[7]
Imaam Shams-ud-Diyn Muhammad bin ´Abdil-Haadiy amesema katika kitabu chake al-Istiwaa’:
“Swahiyh na iliyothibiti kutoka kwa Maalik.”
[1] Abu Zakariyyaa Yahyaa bin Yahyaa bin Bakr at-Tamiymiy an-Naysaabuuriy. Alikuwa mtu madhubuti kwa mujibu wa Ahmad bin Hanbal, Ibn Raahuuyah, an-Nasaa’iy na wengineo. Alifariki mnamo 226. Tazama “Tahdhiyb-ul-Kamaal” (32/31-37).
[2] Abu Bakr Ahmad bin Muhammad bin Ahmad bin ´Abdillaah bin al-Haarith al-Faqiyh at-Tamiymiy al-Aswfahaaniy. adh-Dhahabiy amesema juu yake:
“Msomaji Qur-aan mwenye kuipa nyongo dunia, mwanasarufi na Muhaddith. Alikuwa ni kiongozi kwenye kiarabu.” (Taariykh-ul-Islaam, uk. 281. Alifariki mnamo 430)
[3] Abu Muhammad ´Abdullaah bin Muhammad bin Ja´far bin Hayyaan, ambaye pia anatambulika kama Shaykh. al-Khatwiyb al-Baghdaadiy amesema juu yake:
“Abush-Shaykh mwenye kuhifadhi, imara na thabiti.”
Alifariki mwaka wa 369. Tazama “Siyar A´laam-in-Nubalaa’” (16/277-279).
[4] Abu ´Aliy Muhammad bin ´Amr bin an-Nadhwr al-Dhurashiy an-Naysaabuuriy. adh-Dhahabiy amesema juu yake:
“Alikuwa mkweli na mwenye kukubaliwa.” (Taariykh-ul-Islaam, uk. 282, alifariki 281-290)
[5] 20:05
[6] al-Asmaa’ was-Swifaat (2/305-306).
[7] Mukhtaswar-ul-´Uluww, uk. 141.
- Muhusika: Shaykh ´Abdur-Razzaaq bin ´Allaamah ´Abdil-Muhsin al-´Abbaad al-Badr
- Tarjama: Firqatunnajia.com
- Marejeo: al-Athar al-Mash-huur ´an-il-Imaam Maalik fiy Swifat-il-Istiwaa’, uk. 34-35
- Imechapishwa: 29/11/2025