25 – Bukayr bin Ja´far as-Sulamiy, mmoja katika wanazuoni wa Jurjaan.
166 – Abu Ahmad bin ´Adiy, nataraji kuwa hana neno, ameeleza kutoka kwa Ibrahiym bin Muusa, ambaye amesema:
”Wakati nilipokuwa kwa Bukayr bin Ja´far alikuja bwana mmoja na kusema: ”Allaah yuko juu ya ´Arshi Yake; vipi?” Bukayr akasema: ”Mshikeni mguu wake na mumvute.” Wakamvuta.”[1]
28 – Haafidhw Bishr bin ´Umar az-Zahraaniy (d. 207).
167 – ´Umar bin Shayruuyah amesema: Nimemsikia Ishaaq bin Raahuuyah: Bishr bin ´Umar ametueleza:
”Nimewasikia wafasiri wengi wa Qur-aan wakisema kuhusu:
الرَّحْمَـٰنُ عَلَى الْعَرْشِ اسْتَوَىٰ
”Mwingi wa rehema amelingana juu ya ´Arshi.”[2]
”Bi maana Yuko juu ya ´Arshi.”[3]
29 – Yahyaa al-Qattwaan (120-198), bingwa wa wenye kuhifadhi.
168 – Abu Haatim ar-Raaziy amesema: ´Abbaas al-´Anbariy amenihadithia: Nimemsikia Abul-Waliyd at-Twayaalisiy: Yahyaa bin Sa´iyd amesema:
”Itakuweje:
قُلْ هُوَ اللَّـهُ أَحَدٌ
“Sema: ”Allaah ni Mmoja pekee.”[4]
Wanasema kuwa imeumbwa?”[5]
[1] Ibn ´Adiy ameitaja katika wasifu wake katika ”al-Kaamil” na akasema:
”Nataraji kuwa hana neno.”
Kupitia kwake mtunzi (Rahimahu Allaah) ameisimulia. Ibn ´Adiy amesema: Muhammad bin ´Umar ametukhabarisha: Nimemsikia Muhammad bin Yuusuf al-Istirbaadhiy: Nimemsikia Ibraahiym bin Muusa.
Simjui ni nani huyu Muhammad bin ´Umar.
[2] 20:05
[3] Cheni ya wapokezi ni Swahiyh na iko na wasimulizi madhubuti na wenye kuhifadhi. Ishaaq bin Raahuuyah alikuwa ni imamu mwenye kutambulika na madhubuti ambaye alikuwa katika rika la Imaam Ahmad. ´Abdullaah bin Muhammad bin ´Abdir-Rahmaan bin Shayruurah bin Asad al-Qurashiy al-Matwlabiy an-Naysaabuuriy pia alikuwa madhubuti na mwenye kuhifadhi. Imekuja katika “Shadharaat-udh-Dhahab” (2/246):
”Ni mmoja katika wale wenye kuhifadhi. Alikuwa ni katika rika la Ishaaq bin Raahuuyah, Ahmad bin Maniy´ na rika lao. Aliandika vitabu na alikuwa madhubuti.”
[4] 112:1
[5] Cheni yake ya wapokezi ni Swahiyh. ´Abdullaah bin Ahmad ameipokea katika ”as-Sunnah”, uk. 26, kwa tamko lisemalo:
”Yahyaa bin Sa´iyd amenambia: ”Wanachukua msimamo gani kwa:
قُلْ هُوَ اللَّـهُ أَحَدٌ
“Sema: ”Allaah ni Mmoja pekee.” (112:1)?
Wanachukua msimamo gani kwa Aayah hii:
إِنَّنِي أَنَا اللَّـهُ
”Hakika mimi ni Allaah.” (20:14)?
Imeumbwa?”
al-Bukhaariy ameitaja katika “Khalqu Af´aal-il-´Ibaad”, uk. 69-70, kwa cheni ya wapokezi pungufu kutoka kwa Abul-Waliyd.
- Mhusika: Imaam Shams-ud-Diyn Muhammad bin Ahmad adh-Dhahabiy
- Mfasiri: Firqatunnajia.com
- Marejeo: al-´Uluww lil-´Aliy al-Ghaffaar, uk. 153-154
- Imechapishwa: 22/07/2024
- taaliki: Imaam Muhammad Naaswir-ud-Diyn al-Albaaniy
