Moja katika makosa makubwa ya leo


Miongoni mwa makosa makubwa na yenye khatari zaidi ni zile fatwa za watu hii leo wenye zinazojuzisha picha. Hawajali kwamba fatwa hizi zinapelekea katika kumuasi Allaah (Ta´ala) na Mtume Wake (Swalla Allaahu ´alayhi wa sallam). Hayo ni kwa kule kupingana na zile Hadiyth zilizothibiti kutoka kwa Mtume (Swalla Allaahu ´alayhi wa sallam) zinazokataza aina zote za picha na kufanya makemeo kwa njia yenye kuenea. Kadhalika (Swalla Allaahu ´alayhi wa sallam) ametoa amri ya jumla ya kuziharibu picha zote. Watu hawa hawakujali ya kwamba fatwa hizi ni upotevu unaopelekea kuwapoteza watu. Allaah (Ta´ala) amesema:

لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ ۙ وَمِنْ أَوْزَارِ الَّذِينَ يُضِلُّونَهُم بِغَيْرِ عِلْمٍ ۗ أَلَا سَاءَ مَا يَزِرُونَ

“Ili wabebe mizigo [ya madhambi] yao kamili Siku ya Qiyaamah na mizigo ya wale waliowapoteza bila ya elimu. Tanabahi! Uovu ulioje wanayoyabeba.” (16:25)

Imethibiti kupitia kwa Abu Hurayrah (Radhiya Allaahu ´anh) ya kwamba Mtume (Swalla Allaahu ´alayhi wa sallam) amesema:

“Mwenye kupata fatwa bila ya dalili, basi dhambi ziko juu ya yule aliyempa fatwa hiyo.”

Wale wenye kujuzisha picha wanatakiwa kuizingatia Aayah hii na Hadiyth ya Abu Hurayrah (Radhiya Allaahu ´anh) na wala wasijiaminishe ya kwamba hawatokuwa na deni kubwa juu ya wale wanaofuata fatwa zao batili na maono yao yaliyoharibika.

  • Mhusika: ´Allaamah Hamuud bin ´Abdillaah at-Tuwayjiriy
  • Mfasiri: Firqatunnajia.com
  • Marejeo: Taghliydhw-ul-Malaam, uk. 65
  • Imechapishwa: 29/07/2017