Ukitaka kujua kuwa Jahmiy anamsemea uongo Allaah ni pale aliposema kuwa Allaah yuko kila mahali, hawi sehemu pasi na kwengine, muulize:
”Si kulikuwepo wakati ambapo Allaah alikuwepo na hakukuwepo kitu kingine?”
Atasema:
”Ndio.”
Mwambie:
”Alipowaumba viumbe, aliwaumba ndani Yake au nje Yake?”
Hapa hawezi kujibu isipokuwa majibu matatu:
1 – Akisema kuwa aliwaumba viumbe ndani Yake, anakufuru kwa kuwa hii ina maana kwamba majini, watu na mashaytwaan wako ndani ya Allaah.
2 – Akisema aliwaumba nje Yake kisha akaingia ndani yao, anakufuru kwa kuwa itakuwa na maana kwamba Allaah ameingia ndani ya kila sehemu zote zilizo na uchafu na taka.
3 – Akisema aliwaumba nje Yake pasi na kuingia ndani yao, anarudi katika maoni yake – na haya ndio maoni ya Ahl-us-Sunnah.
- Mhusika: Imaam Ahmad bin Hanbal
- Mfasiri: Firqatunnajia.com
- Marejeo: ar-Radd ´alaa al-Jahmiyyah waz-Zanaadiqah, uk. 155-156
- Imechapishwa: 13/04/2017
