7- Mgonjwa ambaye kuna matarajio ya kupona maradhi yake. Mgonjwa kama huyu anazo hali tatu:
1- Swawm si nzito kwake na wala haimdhuru. Huyu ni lazima kwake kufunga kwa sababu hana udhuru wowote unaomhalalishia kula.
2- Swawm ni nzito kwake lakini haimdhuru. Huyu atakula. Amesema (Ta´ala):
وَمَن كَانَ مَرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ
“Atakayekuwa mgonjwa au safarini, basi atimize idadi katika masiku mengine.”[1]
Imechukizwa kwake kufunga ikiwa anahisi uzito. Kwa sababu ni kutoka nje ya ruhusa ya Allaah (Ta´ala) na ni kuiadhibu nafsi yake. Imepokelewa katika Hadiyth:
“Allaah anapenda zitendewe kazi ruhusa Zake kama anavochukia kutendewa kazi maasi Yake.”
Ameipokea Ahmad, Ibn Hibbaan na Ibn Khuzaymah katika “as-Swahiyh zao wawili hao”[2].
3- Swawm ikamdhuru. Ni lazima kwake kula na wala haijuzu kwake kufunga. Amesema (Ta´ala):
وَلَا تَقْتُلُوا أَنفُسَكُمْ ۚ إِنَّ اللَّـهَ كَانَ بِكُمْ رَحِيمًا
“Wala msiziue nafsi zenu. Hakika Allaah ni Mwenye kuwahurumia.”[3]
وَلَا تُلْقُوا بِأَيْدِيكُمْ إِلَى التَّهْلُكَةِ
“Wala msijitie kwa mikono yenu katika maangamizo.”[4]
Mtume (Swalla Allaahu ´alayhi wa sallam) amesema:
“Hakika nafsi yako ina haki juu yako.”
Ameipokea al-Bukhaariy.
Miongoni mwa haki zake ni wewe usiidhuru kunapokuwa kuna ruhusa ya Allaah (Subhaanah). Vilevile amesema (Swalla Allaahu ´alayhi wa sallam):
“Hakuna madhara wala kudhuriana.”
Ameipokea Ibn Maajah na al-Haakim. an-Nawawiy amesema:
“Inazo njia zinazopeana nguvu.”
[1] 02:185
[2] Lakini cheni ya wapokezi wake kuna kitu katika mgongano. Lakini ina shawahidi kutoka katika Hadiyth na misingi ya Kishari´ah.
[3][3] 04:29
[4] 02:195
- Mhusika: Imaam Muhammad bin Swaalih bin ´Uthaymiyn
- Mfasiri: Firqatunnajia.com
- Marejeo: Majaalis Shahr Ramadhwaan, uk. 53
- Imechapishwa: 05/05/2020
