al-´Ayyaashiy amesema:
“al-Fadhwl bin Swaalih amepokea kutoka kwa baadhi ya marafiki zake kuhusiana na Kauli Yake:
قُولُوا آمَنَّا بِاللَّـهِ وَمَا أُنزِلَ إِلَيْنَا وَمَا أُنزِلَ إِلَىٰ إِبْرَاهِيمَ وَإِسْمَاعِيلَ وَإِسْحَاقَ وَيَعْقُوبَ وَالْأَسْبَاطِ
“Semeni: “Tumemwamini Allaah na yaliyoteremshwa kwetu na yaliyoteremshwa kwa Ibraahiym na Ismaa’iyl na Ishaaq na Ya’quwb na kizazi chao…” (02:136)
“Neno “Semeni” inahusu watu wa familia ya Mtume (Swalla Allaahu ´alayhi wa sallam). Ama kuhusiana na Kauli:
فَإِنْ آمَنُوا بِمِثْلِ مَا آمَنتُم بِهِ فَقَدِ اهْتَدَوا
“Basi wakiamini kama vile mlivyoyaamini nyinyi, basi kwa yakini watakuwa wameongoka.” (02:137)
inahusu watu wengine wote.”
Salaam ameeleza kuwa Abu Ja´faar amesema kuhusu Kauli Yake:
آمَنَّا بِاللَّـهِ وَمَا أُنزِلَ إِلَيْنَا
“Tumemwamini Allaah na yaliyoteremshwa kwetu…”
“Hamaanishi mwingine isipokuwa ni ´Aliy, al-Hasan, al-Husayn na Faatwimah na inawahusu maimamu baada yao.”[1]
Kwa mujibu wa mapokezi wa kwanza yuko wapi Mtume wa Allaah (Swalla Allaahu ´aalyhi wa sallam) na Maswahabah zake waumini? Kwa mujibu wa mapokezi ya pili yuko wapi Mtume wa Allaah (Swalla Allaahu ´alayhi wa sallam), Maswahabah zake watukufu na watu wa familia ya Mtume tokea wakati ule mpaka hii leo? Ni upotoshaji namna gani! Ni uchezaji wa ki-Baatwiniy namna gani kwa maandiko ya wazi ya Qur-aan! Allaah (Ta´ala) Amesema kumwambia Mtume Wake (Swalla Allaahu ´alayhi wa sallam) na Maswahabah zake:
فَإِنْ آمَنُوا بِمِثْلِ مَا آمَنتُم بِهِ
“Basi wakiamini kama vile mlivyoyaamini nyinyi… “
Bi maana makafiri katika mayahudi, manaswara na wengine. Inawalekea wale waumini wenye kuamini Vitabu na Mitume wote pasina kufarikanisha mmoja katika wao:
فَقَدِ اهْتَدَوا
“… basi kwa yakini watakuwa wameongoka…”
Bi maana watakuwa wameongozwa katika haki:
وَّإِن تَوَلَّوْا
“… na wakikengeuka…”
Bi maana wakigeuzia haki mgongo na kuchagua batili baada ya kufikiwa na haki:
فَإِنَّمَا هُمْ فِي شِقَاقٍ ۖفَسَيَكْفِيكَهُمُ اللَّـهُ
“… hakika wao wamo katika upinzani, basi Allaah Atakutosheleza nao.”
Bi maana Atakunusuru juu yao – Naye ni Mwenye kusikia, mjuzi.”
Kwa msemo mwingine Aayah imeanza ikimwelekea Mtume (Swalla Allaahu ´alayhi wa sallam) na waumini wote. Halafu Aayah ikaisha kwa kumwelekea Mtume (Swalla Allaahu ´alayhi wa sallam) ambapo ameahidiwa nusura na ushindi juu ya wale wenye kumkufuru Allaah na Mtume Wake.
[1] Tafsiyr al-´Ayyaashiy (1/61-62).
- Mhusika: ´Allaamah Rabiy´ bin Haadiy al-Madkhaliy
- Mfasiri: Firqatunnajia.com
- Marejeo: al-Intiswaar li Kitaab-il-´Aziyz al-Jabbaar, uk. 70-71
- Imechapishwa: 19/03/2017
