Vilevile wanaanini kuwa Mtume (Swalla Allaahu ´alayhi wa sallam) hajui mambo yaliyofichikana isipokuwa yale aliyofunuliwa na Allaah. Hamiliki juu ya nafsi yake wala nafsi ya mwengine madhara wala manufaa. Allaah (Ta´ala) amemwamrisha afikishe ujumbe huo kwa Ummah:
قُل لَّا أَقُولُ لَكُمْ عِندِي خَزَائِنُ اللَّـهِ وَلَا أَعْلَمُ الْغَيْبَ وَلَا أَقُولُ لَكُمْ إِنِّي مَلَكٌ
“Sema: “Sikuambieni kuwa mimi nina hazina ya Allaah na wala kwamba najua mambo yaliyofichikana na wala sikuambieni kwamba mimi ni Malaika.”[1]
Kazi yake ni ipi?
إِنْ أَتَّبِعُ إِلَّا مَا يُوحَىٰ إِلَيَّ
“Sifuati isipokuwa yale nilofunuliwa Wahy.”[2]
Mwenye kudai kwamba Mtume (Swalla Allaahu ´alayhi wa sallam) anajua kitu katika mambo ya ghaibu – mbali na yale aliyofunuliwa na Allaah – basi ni kafiri aliyemkufuru Allaah na Mtume Wake (Swalla Allaahu ´alayhi wa sallam). Kwa sababu amemkadhibisha Allaah na Mtume Wake (Swalla Allaahu ´alayhi wa sallam).
Mtume (Swalla Allaahu ´alayhi wa sallam) ameamrishwa aseme maneno yatayosomwa hadi siku ya Qiyaamah:´
قُل لَّا أَقُولُ لَكُمْ عِندِي خَزَائِنُ اللَّـهِ وَلَا أَعْلَمُ الْغَيْبَ وَلَا أَقُولُ لَكُمْ إِنِّي مَلَكٌ
“Sema: “Sikuambieni kuwa mimi nina hazina ya Allaah na wala kwamba najua mambo yaliyofichikana na wala sikuambieni kwamba mimi ni Malaika.”[3]
[1] 06:50
[2] 06:50
[3] 06:50
- Mhusika: Imaam Muhammad bin Swaalih bin ´Uthaymiyn
- Mfasiri: Firqatunnajia.com
- Marejeo: Manhaj Ahl-is-Sunnah wal-Jamaa´ah fiy-´Aqiydah wal-´Amal, uk. 32
- Imechapishwa: 19/08/2019
