Ahl-us-Sunnah wal-Jamaa´ah wanaonelea kuwa Allaah (Ta´ala) ana macho mawili anayoona kwayo. Ni ya kikweli kwa njia inayolingana Naye. Ni katika sifa za kidhati zilizothibiti kwa Qur-aan na Sunnah. Kuhusu Qur-aan, Allaah (Ta´ala) amesema:
تَجْرِي بِأَعْيُنِنَا
”Inatembea chini ya macho Yetu.”[1]
Ama Sunnah, Mtume (Swalla Allaahu ´alayhi wa sallam) amesema:
“Hakika Mola Wetu (Tabaarak wa Ta´ala) si chongo.”[2]
Amesema (Swalla Allaahu ´alayhi wa sallam):
“Anakuangalieni pindi mnapokuwa katika hali ngumu na mmekata tamaa.”[3]
Amesema (Swalla Allaahu ´alayhi wa sallam):
“Pazia Yake ni nuru. Lau ataifunua, basi mwanga wa uso Wake ungeliunguza kila kile ambacho anakiona katika viumbe Wake.”[4]
Kwa hivyo ni macho mawili ya kihakika na hayafanani na macho ya viumbe. Si sahihi kukengeusha maana yake kwamba ni elimu na maono kwa sababu zifuatazo:
1- Ni kuondosha maana ya kihakika kwenda katika majazi pasi na dalili.
2- Maandiko yana maana inayopingana na tafsiri kama hiyo. Kwa mfano Mtume (Swalla Allaahu ´alayhi wa sallam) amesema:
“Anakuangalieni.”
“Pazia Yake ni nuru. Lau ataifunua, basi mwanga wa uso Wake ungeliunguza kila kile ambacho anakiona katika viumbe Wake.”
“Hakika Mola Wetu (Tabaarak wa Ta´ala) si chongo.”
[1] 54:14
[2] al-Bukhaariy (3439) na Muslim (169).
[3] Ahmad (4/11), Ibn Maajah (181) na Ibn Abiy ´Aaswim (554).
[4] Muslim (179).
- Mhusika: Imaam Muhammad bin Swaalih bin ´Uthaymiyn
- Mfasiri: Firqatunnajia.com
- Marejeo: Fath Rabb-il-Bariyyah, uk. 58
- Imechapishwa: 01/05/2020
