al-´Ayyaashiy amesema:
“Abu Baswiyr amesema kuhusiana na maneno ya Allaah:
فَالَّذِينَ آمَنُوا بِهِ وَعَزَّرُوهُ وَنَصَرُوهُ وَاتَّبَعُوا النُّورَ الَّذِي أُنزِلَ مَعَهُ ۙ أُولَـٰئِكَ هُمُ الْمُفْلِحُونَ
“Basi wale waliomuamini na wakamtukuza na wakamnusuru na wakafuata nuru iliyoteremshwa pamoja naye, hao ndio wenye kufaulu.”[1]
“Abu Ja´far amesema: “Nuru ni ´Aliy.”[2]
Aayah hii tukufu ni dalili ya wazi kabisa juu ya yale waliyosimama kwayo Maswahabah wa Muhammad (Swalla Allaahu ´alayhi wa sallam) pale ambapo walimuamini yeye (Swalla Allaahu ´alayhi wa sallam), wakamtukuza, wakamnusuru nusura kubwa dhidi ya maadui zake, wakamuheshimu na wakamfuata na kushikamana na ile nuru na mwongozo aliokuja nao, nayo si nyingine ni hii Qur-aan:
نَزَلَ بِهِ الرُّوحُ الْأَمِينُ
“Ameiteremsha haya Roho mwaminifu.”[3]
Halafu Allaah akawashuhudia kufaulu duniani na Aakhirah.
Ndipo wakaja Raafidhwah Baatwiniyyah ambao wakapotosha makusudio ya Allaah ya nuru ambayo ilichukuliwa na Maswahabah wa Muhammad (Swalla Allaahu ´alayhi wa sallam) na wakaifuata na wakaipachika kwa ´Aliy (Radhiya Allaahu ´anh). Uhalisia wa mambo ni kwamba yeye si mwingine isipokuwa ni mmoja katika wale ambao waliongoka kwa nuru hii iliyoteremshwa kwa Muhammad (Swalla Allaahu ´alayhi wa sallam). Asingeliifuata basi angeliangamia na asingelikuwa chochote.
Malengo ya Baatwiniyyah hawa ni kuwafanya watu wasiweze kuona ushahidi huu mkubwa na matapo kwa Maswahabah wa Muhammad (Swalla Allaahu ´alayhi wa sallam) na Qur-aan ambayo ni nuru kutoka kwa Allaah; wanaongozwa kwayo wale walioongozwa na wanafaulu kwayo wale wenye kuifuata.
[1] 07:157
[2] Tafsiyr al-´Ayyaashiy (2/21).
[3] 26:193
- Mhusika: ´Allaamah Rabiy´ bin Haadiy al-Madkhaliy
- Mfasiri: Firqatunnajia.com
- Marejeo: al-Intiswaar li Kitaab-il-´Aziyz al-Jabbaar, uk. 204-205
- Imechapishwa: 12/09/2018
