Imaam Ahmad bin Hanbal (Rahimahu Allaah) amesema:
“Tunaonelea kuwa Sunnah imejengwa juu ya kushikamana na yale waliyokuwemo Maswahabah wa Mtume wa Allaah (Swalla Allaahu ´alayhi wa sallam) na kuwaiga, kujiepusha na Bid´ah na kila Bid´ah ni upotevu, kujiepusha na mizozo, kukaa na Ahl-ul-Ahwaa´ na kujiepusha na kurushiana maneno, mijadala na ugomvi katika dini.”
MAELEZO
Dalili ya hilo ni maneno ya Allaah (Ta´ala):
وَلَا تَكُونُوا مِنَ الْمُشْرِكِينَ مِنَ الَّذِينَ فَرَّقُوا دِينَهُمْ وَكَانُوا شِيَعًا ۖ كُلُّ حِزْبٍ بِمَا لَدَيْهِمْ فَرِحُونَ
“Wala msiwe miongoni mwa washirikina; miongoni mwa wale walioifarikisha dini yao wakawa makundi makundi. Kila kundi wanafurahia yale waliyomo.”[1]
مَا يُجَادِلُ فِي آيَاتِ اللَّـهِ إِلَّا الَّذِينَ كَفَرُوا
”Habishani katika Aayah za Allaah isipokuwa wale waliokufuru.”[2]
مَا ضَرَبُوهُ لَكَ إِلَّا جَدَلًا ۚ بَلْ هُمْ قَوْمٌ خَصِمُونَ
”Hawakukupigia mfano huo isipokuwa tu kutaka kubisha. Bali wao ni watu makhasimu.”[3]
Mtume (Swalla Allaahu ´alayhi wa sallam) amesema:
“Hakuna watu waliopotea baada ya uongofu waliokuwemo isipokuwa baada ya kuanza mijadala.”[4][5]
“Watu wanaochukiwa na Allaah zaidi ni wale wapotevu mabingwa wa kujadili.”[6]
´Umar bin ´Abdil-´Aziyz (Rahimahu Allaah) amesema:
“Atakayeifanya dini yake ni sehemu ya mabishano atabadilika sana.”[7]
al-Hasan alimwambia mtu ambaye alikuwa anataka kujadiliana naye:
“Kuhusu mimi naielewa dini yangu. Ikiwa wewe umeipoteza dini yako nenda ukaitafute.”
[1] 30:31-32
[2] 40:04
[3] 43:58
[4] at-Tirmidhiy (3253) na Ibn Maajah (48). Ni nzuri kwa mujibu wa al-Albaaniy katika ”Swahiyh-ut-Targhiyb wat-Tarhiyb” (14).
[5] al-Bukhaariy (2457) na Muslim (2668).
[6] ad-Daarimiy (312) na Ibn Battwah katika ”al-Ibaanah al-Kubraa” (565).
[7] Ibn Battwah katika ”al-Ibaanah al-Kubraa” (586).
- Mhusika: ´Allaamah Ahmad bin Yahyaa an-Najmiy
- Mfasiri: Firqatunnajia.com
- Marejeo: Itmaam-ul-Minnah, uk. 81-82
- Imechapishwa: 11/02/2017
