al-Qumiy (01/100) amesema:
“Kauli Yake:
إِنَّ اللَّـهَ اصْطَفَىٰ آدَمَ وَنُوحًا وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ
“Hakika Allaah Amemteua Aadam na Nuuh na kizazi cha Ibraahiym na kizazi cha ‘Imraan juu ya walimwengu.” (03:33)
Aayah iko kwa jumla lakini maana yake ni maalum pale ambapo Amewateua tu katika wakati ule waliokuwa wakieshi. Mwanachuoni (´alayhis-Salaam) amesema: “Aayah iliteremshwa ikiwa hivi:
“… na kizazi cha ´Imraan na kizazi cha Muhammad juu ya walimwengu.”
lakini wakawa wameondosha “kizazi cha Muhammad” kwenye Kitabu.”
al-´Ayyaashiy (01/168) amesema:
“Hishaam bin Saalim ameeleza kuwa alimuuliza Abu ´Abdillaah kuhusiana na Kauli ya Allaah:
إِنَّ اللَّـهَ اصْطَفَىٰ آدَمَ وَنُوحًا
“Hakika Allaah Amemteua Aadam na Nuuh…”
Akasema: “Inatakiwa iwe kizazi cha Ibraahiym na kizazi cha Muhammad, lakini wakabadili jina.”
al-´Ayyaashiy (01/169) amesema:
“Ayyuub amesema: “Abu ´Abdillaah alinisikia nikisoma:
إِنَّ اللَّـهَ اصْطَفَىٰ آدَمَ وَنُوحًا وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ
“Hakika Allaah Amemteua Aadam na Nuuh na kizazi cha Ibraahiym na kizazi cha ‘Imraan juu ya walimwengu.”
Akanambia: “kizazi cha Muhammad ilikuwepo pia hapo, lakini wakaiondosha na kuacha kizazi cha Ibraahiym na kizazi cha ´Imraan.”
Mhakiki ameelekeza katika “al-Bihaar”, “al-Burhaan”, “Ithbaat-ul-Hudaa”. al-´Ayyaashiy ametaja upokezi wa tatu wenye maana kama hiyo.
Baatwiniyyuun hawa wawili wamezidisha neno “kizazi cha Muhammd” katika Aayah hii halafu wanawazulia Maswahabah wa Mtume wa Allaah (Swalla Allaahu ´alayhi wa sallam) ya kwamba wao ndio wameliondosha. Wamesapotiwa na mwandishi wa “al-Burhaan”, “as-Swaafiy”, “Ithbaat-ul-Hudaah” na Hishaam al-Mahlaatiy.
فَوَيْلٌ لَّهُم مِّمَّا كَتَبَتْ أَيْدِيهِمْ وَوَيْلٌ لَّهُم مِّمَّا يَكْسِبُونَ
“Basi ole wao kwa yale yaliyoandikwa na mikono yao na ole wao kwa yale wanayoyachuma.” (02:79)
- Mhusika: ´Allaamah Rabiy´ bin Haadiy al-Madkhaliy
- Mfasiri: Firqatunnajia.com
- Marejeo: al-Intiswaar li Kitaab-il-´Aziyz al-Jabbaar, uk. 36
- Imechapishwa: 19/03/2017
