687- Yaziyd bin Abiy Maryam amesema:
“Nilipokuwa natembea kuelekea swalah ya ijumaa nilimuwahi ´Abaayah bin Rifaay´ na nikasema: “Pata bishara njema! Hakika hatua zako hizi ni katika njia ya Allaah. Nimemsikia Abu ´Abs akielezea kuwa amemsikia Mtume wa Allaah (Swalla Allaahu ´alayhi wa sallam) akisema:
“Yule ambaye miguu yake itaingiwa na vumbi katika njia ya Allaah imeharamishiwa Moto.”[1]
Ameipokea at-Tirmidhiy ambaye amesema:
“Hadiyth ni nzuri na Swahiyh.”
al-Bukhaariy ameipokea kwa tamko:
“´Abaayah amesema: “Nilipokuwa natembea kuelekea swalah ya ijumaa Abu ´Abas aliniwahi na kusema: “Nimemsikia Mtume wa Allaah (Swalla Allaahu ´alayhi wa sallam) akisema:
“Yule ambaye miguu yake itaingiwa na vumbi katika njia ya Allaah imeharamishiwa Moto.”
Katika upokezi mwingine imekuja:
“Hakuna miguu ya mja inayoingiwa na vumbi katika njia ya Allaah halafu iguswe na Moto.”
Hapa hakuna maneno ya ´Abaayah kwa Yaziyd.
[1] Swahiyh.
- Mhusika: Imaam Muhammad Naaswir-ud-Diyn al-Albaaniy
- Mfasiri: Firqatunnajia.com
- Marejeo: Swahiyh-ut-Targhiyb wat-Tarhiyb (1/431)
- Imechapishwa: 02/02/2017
